29 AVRIL–5 MAI
NGIMBO 34-35
Lungimbo 10 nu Gisambu | Mbimbi jia Gisendeselo (Mun. 1)
1. ‘Tumbuisa Yehowa Tangua Diagasue’
(Min. 10)
Davidi wakhalele mutumbuisa Yehowa ikhale tangua diakhalele muene mutagana nu malamba (Ngi 34:1; w07-F 1/3 diyiji 22 par. 11)
Davidi wakhalele gudihala mukunda nu Yehowa uvi muene hakhenji ndo (Ngi 34:2-4; w07-F 1/3 diyiji 22 par. 13)
Mbimbi jiazuelele Davidi ha gutumbuisa Yehowa jiakolesele mafuta enji (Ngi 34:5; w07-F 1/3 diyiji 23 par. 15)
Tangua Davidi wabembele Abimeleke, mala 400 anyi akhalelego musuanguluga nu uhinyinyi wa Fumu Saula, ayile gumusanga mu mavu a luselenga. (1Sam 22:1, 2) Yajiya gukhala egi tangua Davidi wasonegele lungimbo elu, wakhalele mutangiza mala ene.—Tala mbimbi jia gisendeselo jia Ngi 34.
DIHULE EGI: ‘Luholo lutshi ngajiya gumonesa egi ngudi mutumbuisa Yehowa tangua ngudi muta maga nu muthu mumoshi gungima dia gudibungisa gua mu hungu?’
2. Ndaga jia Ndando jia mu Nyuma
(Min. 10)
Ngi 35:19—Itshi Davidi watshiginyile guzuela hatogele muene Yehowa egi mbalagaji jienji ‘jijiamunago meso awo’? (w06-F 15/5 diyiji 20 par. 1)
Mu lutango lua Biblia lua phoso eyi, ndaga jitshi jia ndando jia mu nyuma wamonyi?
3. Lutango lua Biblia
(Min. 4) Ngi 34:1-22 (th longo 5)
4. Gusendesa Guta Maga nu Athu
(Min. 2) LONGESA GULA WAHETA OKAZIO. Gutuama dia gulongesa muthu giamatshidia, batula maga a thomo wakhadi muta n’enji. (lmd longo 1 gitshinyi 4)
5. Guvutugila Athu
(Min. 4) LONGESA GULA WAHETA OKAZIO. (lmd longo 2 gitshinyi 4)
6. Kotelesela Muthu Malongo Etu
(Min. 5) Demostrasio. lff-F longo 44 gitshinyi 1-3—Muto wa lumene: Itshi Yana Kuatesa Matemue a Yehowa Hagujiya Gula Wano Umoshi Ngenyi udi Wabonga nga Ndo? (th longo 17)
Lungimbo 59
7. Maluholo Thathu a Gutumbuisa Yehowa mu Gudibungisa gua mu Hungu
(Min. 15) Lumene nu hungu.
Gudibungisa gua mu hungu guana gutuhana luendu luabonga lua gutumbuisa Yehowa. Tutadilenu maluholo awa thathu a guyitshita.
Guta Maga: Tangua udi muta maga nu athu ako, zuelela mutshima wabonga wa Yehowa. (Ngi 145:1, 7) Wavuile gale nga ndo watangele gale ndaga imoshi yagukuatesele ba? Wahetele gale gubonga mu mudimo wa gulongesa ba? Wahetele gale gikhesa mu ndaga jiazuelele phangi mumoshi nga mukunda nu makalegelo enji abonga ba? Wadihudile gale ha gumona gima gimoshi mukatshi dia ima yafugile Nzambi ba? Ima yene yagasue idi bakado atuhanele Yehowa. (Yak 1:17) Tshita ngolo ha guheta gutuama mu gudibungisa hagula wajiya guta maga nu athu ako.
Komantere: Tshita ngolo ha guhana komantere nga imoshi mu gudibungisa gua guagasue gua mu hungu. (Ngi 26:12) Wajiya guhana mvutu ya muhu wahudiwa nga guhana komantere ya gitshinyi gia mbadi gia paragrafe. Nga ndo wajiya guzuelela verse nga gukotelesa gifuanesa nga guhana longo. Londega komantere jiavula handaga tangua mbawuthuphula koko diaye, athu ako nji mbaathuphula mago awo. Gula tudi muhana komantere jia basegonde 30 nga goshi, mbayikuatesa athu ako ‘ha guhana Nzambi milambu idi gumutumbuisa.’—Heb 13:15.
Ngimbo: Khala muyimba ngimbo jia Ufumu nu gikhesa giagasue. (Ngi 147:1) Gula udi mu hungu dia athu avula, yajiya gukhala lamba ha guhana mvutu mu gudibungisa guagasue; uvi lusugu luagasue lua gudibungisa wajiya guyimba hamoshi nu aphangi. Ikhale udi mutangiza egi wanago guyimba muabonga, uvi gula udi mutshita ngolo ha guyimba, Yehowa wana suanguluga muavula! (2Kol 8:12) Wajiya guyimba ngimbo jiene gu inzo ha gudilondega.
Talesa VIDEO Zoom sur notre histoire: Les cantiques, des cadeaux précieux, 1re partie. Gungima hula muhu owu walandula:
Usombegeshi utshi ulondegi wa Yehowa wakalegele mu masugu etu udi mumonesa egi ana zula nu ndando yavula guyimba ngimbo ha gutumbuisa Yehowa?