3-9 NOVEMBRE

LUNGIMBO LUA SALOMO 1-2

Lungimbo 132 nu Gisambu | Mbimbi jia Gisendeselo (Mun. 1)

UMONYI UDI MU MBIMBI YA NZAMBI

1. Lumene lua Guzumba gua Giamatshidia

(Min. 10)

[Talesa VIDEO Ndaga Jidi mu Mukanda wa Lungimbo lua Salomo.]

Salomo washimanele mon’a mukhetu wa gu Sulama muavula, wamulayele nji ha gumuhana ima yavula ya ndando (Lungi 1:9-11)

Uvi mon’a mukhetu wa gu Sulama wakhalele muzumba muavula mubambi wa imeme, ndaga yene yamukuatesele ha gusala wagujinginyina gudi muene (Lungi 2:16, 17; w15-F 15/1 diyiji 30 par. 9-10)

Fumu Salomo udi wagumagana hehi nu mon’a mukhetu wa gu Sulama, udi gumuwambela ha gungina mu tenta yenji; uvi mon’a mukhetu muene watuna genji, wamuwasa dikunda. Enya mudimo a Salomo thathu adi agumagana ha mufulo wa tenta, adi nu gifundju gia mulele nu longa dia meya nu mulondo ha mago.

NDAGA JIKO WAJIYA GULONGUGA: Tangua udi mutanga mukanda wa Lungimbo lua Salomo, gula udi mutshigina gujiya muthu udi muzuela, wajiya gutala gitshinyi “Ndaga Jidi mu Mukanda Wuwu” mu Biblia Gubalumuna gua Mavu Ahe-ahe.

2. Ndaga jia Ndando jia mu Nyuma

(Min. 10)

Lungi 2:7—Mukunda natshi mon’a mukhetu wa gu Sulama udi gifezegeselo giabonga mukunda nu Aklisto adi khenji adizudile galego mu ulo? (w15-F 15/1 diyiji 31 par. 11)

Mvutu
Mu lutango lua Biblia lua phoso eyi, ndaga jitshi jia ndando jia mu nyuma wamonyi?

Mvutu

3. Lutango lua Biblia

(Min. 4) Lungi 2:1-17 (th longo dia 12)

YIKADIKILE MU MUDIMO WA GULONGESA

4. Gusendesa Guta Maga nu Athu

(Min. 3) INZO NU INZO. Longesa muthu giamatshidia gimoshi gidi mu appendice A mu gamukanda Zumba Athu. (lmd longo dia 1 gitshinyi gia 3)

5. Guvutugila Athu

(Min. 4) INZO NU INZO. Longesa muthu giamatshidia gimoshi gidi mu appendice A mu gamukanda Zumba Athu. (lmd longo dia 9 gitshinyi gia 3)

6. Gubuisa Athu Alandudi

(Min. 5) lff mbimbi jia gisendeselo jia longo dia 18 nu gitshinyi gia 1-3 (th longo dia 8)

MAKALEGELO A UKLISTO

Lungimbo 46

7. “Muthu Wana Khala nu Khadilo dia Guhana Mbawushimbigiwa”

(Min. 15) Gitshinyi egi gidi naye gutuamezewa gudi mukulu.

Gula tudi mukalegela tangua dietu, ngolo jietu nu ima yetu iko ha gukuatesa athu ako, mbatuheta ishimbigo yavula. Idi yadiago egi, athu tuana hana ima yetu ana khala nu gusuanguluga. Uvi esue tuana guahana, esue tuana khala nu gusuanguluga guavula. (Ish 22:9) Tuana khala nu gusuanguluga handaga tudi mujiya egi tudi mulandula gifezegeselo gia Yehowa; muene nji mbawutushimbiga muavula.—Ish 19:17; Yak 1:17.

Mon’a mukhetu mumoshi udi mumba musomo mu caisse ya misomo.

Yala mumoshi udi mukalegela tablete yenji ha guhana musomo mu njila ya internet.

Talesa VIDEO Khadilo dia Guhana Diana Bata Gusuanguluga. Gungima hula mihu eyi:

Luholo lutshi aphangi tuamona mu video eyi asuangulugile mukunda nu khadilo dia guhana dia aphangi a ha mavu agasue?

Mvutu
Luholo lutshi khadilo diawo nji dia guhana diaakuatesele ha gukhala nu gusuanguluga?

Mvutu

8. Gulonguga gua Biblia mu Hungu

(Min. 30) lfb longo dia 32-33