Khala Mutangiza Ndaga wa Longuga

Matangua ako yana khala lamba gudi aye ha guwunguluga ndaga wakatuga gulonguga ba? Ndaga eyi yana gutubuila mukut’etu agasue. Itshi wajiya gutshita ha guwunguluga ndaga watangi? Khala muvutugila matangi a ndando.

Tangua udi mulonguga, magana hazonda ha gusonega matangi a ndando. Yene ndaga mupostolo Phaula wawambelele aphangi’enji a Aklisto ha gutshita tangua akhalele mulonguga mukanda waasonegele muene. Wazuelele egi: “Matangi’a ndando … enyawa.” (Heb. 8:1) Hazuelele muene ngenyi, watshiginyile guakuatesa ha gukotelesa ndaga jiakhalele muene muzuela nu luholo ndaga jiene jiagasue jiakhalele gudivua.

Wajiya guzula nga minuta 10 gu gisugishilo gia gulonguga guaye ha gutangigiza ndaga jia ndando wakatuga gulonguga. Gula ushigo luko muwunguluga matangi a ndando watangi, wajiya gutanga luko tumito tua mene nga gutanga fraze ya thomo ya paragrafe yagasue hagula igukuatese ha guwunguluga matangi ene. Gula walonguga ndaga ihe-ihe, kamba guyizuela mu mbimbi jiaye hakhaye. Gula udi mutadila matangi a ndando wasonega, mbayikhala yaleba gudi aye ha guwunguluga ndaga walonguga. Mbawukotelesa nji muabonga luholo wajiya gukalegela ndaga jiene mu monyo waye.