Wambela Athu ako Ndaga udi mu Longuga

Gulonguga Biblia guana gutukuatesa ha gudivua muabonga, uvi tuana gudivua muabonga diago tangua tuana wambela athu ako ndaga tualonguga jinyi jiatuhanyi gikhesa. Mukanda wa Ishima 11:25 wana zuelela ndaga yene mu luholo lua gifuanesa egi: ‘Muthu udi muhana athu ako meya a gunua, muene nji mbaamuhana meya a gunua.’

Tangua tuana wambela athu ako ndaga tualonguga, yana gutukuatesa ha guwunguluga ndaga tualonguga nu ha guvudisa ujiyi wetu mu ndaga jiene. Tuana suanguluga guwambela athu ako ndaga tualonguga handaga jiajiya nji guakuatesa.​—Makal. 20:35.

Tala luholo wajiya guyitshita: Mu phoso idi muza, kamba maluholo wajiya guwambela muthu ndaga walonguga. Wajiya guwambela muenya fami yenu, phangi mumoshi wa mu hungu, futa diaye wa mudimo, futa diaye wa khalasa, muthu muana khala n’enji hehi nga muthu watagana n’enji mu mudimo wa gulongesa. Tangua udi muzuelela ndaga jiene, jizuele mu mbimbi jiaye hakhaye nu mu luholo lualeba.

Ndaga ushigo naye gujimbila: Wambela athu ako ndaga walonguga ha guhana gikhesa uvi ishigo ha guamonesa egi udi mujiya ndaga jiavula.​—1 Kol. 8:1.