GITSHINYI 4

Guvuila Satana Guanethele Itshi?

Adama nu Eva alumbugile Nzambi hene afile. Gisendeselo 3:6, 23

Eva wadia bundu diaatunyishile Nzambi, gungima wahana Adama

Eva walemvugile nyoga hene gadile bundu. Hangima, wahuile Adama, hene nu mwene adile.

Adama nu Eva abemba fundo diawo mu Phaladiso

Atshitshile ndanga ingoshi yabola—ya khalele disumu. Nzambi wa akayele mu Paladisu dinyi diakhalele dimbo diawo.

Lujingu luawo nu’anawo luabuile lua lamba. Akolele uu afile. Ayile mu jinga ndo mu thotho ingoshi ya givule; lujingu luawo luasugile.

Gifua fuluguta, athu agufua ashi nu monyo ndo. Gisendeselo 3:19

Athu a ifutshi yagasue a mu sungi jia gudisha

Tanufua mukunda hungi’etu agasue tudi ana a Adama nu Eva. Athu agufua ajiile gutumona ndo nga guvua nga gutshita gima gingoshi ndo.—Mulongeshi 9:5, 10.

Muna mukhetu mumoshi wafua, enji enya fami yenji adi gumudila

Matangi a Yehowa akhalelego egi athu afue. Mwaleha ndo mbaumufuzumuna athu a gufua. Gula amuvuila, mba jinga ivuo nu ivuo.