Luholo Lutshi Udi Mumona Biblia?
Udi mutangiza egi . . .
mukanda wa ndunge jia athu?
mukanda wa ishima nu ndaga jia mambo?
Mbimbi ya Nzambi?
BIBLIA IMUZUELA EGI
“Ndaga jiagasue jidi mu Mukanda wa Nzambi jiasonegewe mu ukuateshi wa nyuma ya Nzambi.”—2 Timote 3:16.
NDAGA YAWAHA MUKUNDA NU EYE
Mbawuheta mvutu jiabonga gu mihu yakola ya lujingu.—Ishima 2:1-5.
Mbawuheta malongo abonga wajiya gukalegela lusugu nu lusugu.—Ngimbo 119:105.
Mbawuheta felela diabonga mukunda nu masugu adi muza.—Roma 15:4.
TUAJIYA DIAGO GUTSHIGINA NDAGA IDI MUZUELA BIBLIA BA?
Ayi, mukunda nu ndaga eji thathu:
Ndaga jidi mu Biblia jiana gudivua diago. Biblia yasonegewe mu sungi ya ivo 1 600 gudi athu 40. Avula mukatshi diawo adimonelego. Ikhale ngenyi, ndaga jiagasue jidi mu mukanda wene jiana gudivua, yana zuelela nji ndaga imoshi ya ndando.
Lumene lua giamatshidia. Athu asonegele ndaga jia mualeha asonegelego gubela gua athu awo. Uvi athu asonegele Biblia azuelele diago giamatshidia mukunda nu gubola guawo nu gua enya gifutshi giawo.—2 Gudilanduluila 36:15, 16; Ngimbo 51:1-4.
Profesi jia Biblia jidi jia giamatshidia. Biblia yadiangele gutendelela ivo 200 gutuama egi dimbo dia Babilone mbadimuangewa. (Yeshaya 13:17-22) Yamonesele luholo dimbo diene diakhalele naye gumuangewa, yazuelele nji jina dia muthu mbawubinga dimbo diene!—Yeshaya 45:1-3.
Profesi jiko jia Biblia jiatagenesewe diago jiagasue nu ndaga jiagasue jia zonda-zonda jiadiangele guzuela Biblia jiatagenesewe nji. Ndaga yene idi mumonesa diago egi Biblia idi mbimbi ya Nzambi!—2 Phetelo 1:21.
TANGIZA GALE
Luholo lutshi Mbimbi ya Nzambi yajiya gugukuatesa mu lujingu luaye?
Biblia idi muhana mvutu mu YESHAYA 48:17, 18 nu 2 TIMOTE 3:16, 17.