Mbimbi jia Gisendeselo jia Gitshinyi gia 2

Mukunda natshi Nzambi wanogesele mvula yakola ha gushiya athu agasue akhalele ha mavu mu tangua diene? Sendese tangua Nzambi wafugile athu ha mavu, ana khala nu ndaga mbadi jiana guasagesa—ndaga jiene jidi: Gukalagala ndaga jiabonga nga jiabola. Athu avula ana tomba gawo gukalagala ndaga jiabola gifua muatshitshile Adama nu Eva nu mun’awo Gayino. Uvi athu ako ana tomba gutshita ndaga jiabonga, gifua muatshitshile Abele nu Nowa. Athu avula asendesele gukalagala ndaga jiabola ha mavu, hene Yehowa wazudile desizio dia guashiya. Gitshinyi gigi giza gutukuatesa ha gukotelesa egi Yehowa wana jiya muabonga gula tuana khala khanda itshi; tuza nji mumona egi mbagashigo mubemba egi gubola gudivudise ha mavu ha gutotesa gubonga.