Mbimbi jia Gisendeselo jia Gitshinyi gia 6

Tangua enya Isalele anginyile mu Mavu a Gutendelela, tabernakle yabuile fundo dia ndando dia gikombelelo gia giamatshidia. Nganga-nzambi jiakhalele mulongesa athu mikhuala, uvi manzuji akhalele mutuameza gifutshi. Mene jidi mu gitshinyi egi jidi mumonesa luholo badesizio a muthu mumoshi ajiya gubatela athu ako gubonga nga malamba. Gidi mumonesa nji ginemo muenya Isalele wagasue wakhalele nagio gutuama dia Yehowa nu gutuama dia athu ako. Gidi muzuelela luholo Debora, Naomi, Yoshua, Ana, mun’a Yefeta wa mukhetu nu Samuele ahanele athu ako gifezegeselo giabonga. Gidi mumonesa nji egi athu ako anyi akhalelego enya Isalele, gifua Rahaba, Luta, Yaele nu enya Gibeona adibungishile nu enya Isalele handaga ajiyile egi Nzambi wakhalele nawo.