Mbimbi jia Gisendeselo jia Gitshinyi gia 10

Yehowa udi Fumu wa mafumu agasue. Ima yagasue yana khala ha mago enji, gushigo nga nu ndaga imoshi yajiya gumukolela. Ha gufezegesa wahuluishile Yelemiya gu gufua. Wahuluishile nji Shadrake nu Meshake nu Abedenego mu fulu ya tshuya tuakola. Wahuluishile Daniele mu wina dia khoshi. Yehowa wabambele Estere hagula wajiya guhuluisa gifutshi gia mudidi. Yehowa ganago gubemba egi ndaga jiabola jilanduile gukalegewa mayilago. Profesi jiatadila gisongo gialeha nu mutshi wakoma jidi mumonesa egi gualeha ndo Ufumu wa Nzambi mbawukatula ndaga jiagasue jiabola nu mbawuhinyina ha mavu.