LONGO DIA 47
Udi Hehi ha Gubatijiwa Ba?
Walonguga ndaga jiavula jiatadila Yehowa mu ulongugi waye wa Biblia. Yajiya gukhala egi wasombegesa makalegelo aye mu ndaga jiko, ha gutumagela ndaga walonguga. Uvi, guajiya gukhala nu ndaga iko yajiya gugutuma ha gutangiza egi ushigo hehi ha gudihana gudi Yehowa nu gubatijiwa. Longo edi diza muzuelela ndaga jiajiya gugukanga njila ha gubatijiwa, nu luholo wajiya gubinga ndaga jiene.
1. Ndaga guvula gutshi udi naye gulonguga gutuama dia gubatijiwa?
Ha gubatijiwa, udi naye gukhala nu “ujiyi wa diago wa giamatshidia.” (1 Timote 2:4) Ishigo mukotelesa egi udi naye gujiya mvutu jia mihu yagasue ya Biblia gutuama dia gubatijiwa. Ikhale Aklisto anyi abatijiwe gale mualeha, ana landula gulonguga. (Kolosai 1:9, 10) Uvi udi naye gukotelesa muabonga malongo a gisendeselo a Biblia. Akulu a mu hungu mbaagukuatesa ha gujiya gula aye mujiya malongo ene muabonga.
2. Ndaga jitshi udi naye gukalagala gutuama dia gubatijiwa?
Gutuama egi ubatijiwe, udi naye ‘gubalumuna mutshima . . . nu gusombegesa makalegelo aye.’ (Tanga Makalegelo 3:19.) Yakotelesa egi udi naye gudibela mangololo mukunda nu gubola guagasue wakalegele mu masugu abalega nu gutoga Yehowa ha gugutotesela. Udi naye gutuna makalegelo agasue abola, nu gukalagala ndaga jidi musuanguluisa Nzambi. Udi naye nji gusendesa guya mu gudibungisa gua mu hungu nu gulongesa lukuma luabonga hamoshi nu aphangi mu hungu.
3. Mukunda natshi ushigo naye gubemba egi woma uguvutule gungima?
Athu ako ana vua woma egi mbala jiko mbaashigo mutagenesa ndaga alayele Yehowa. Idi yadiago egi matangua ako wajiya gujimbila; akombeledi a Nzambi a mu tangua dikulu tuana tanga mu Biblia akalegele nji ndaga jiabola. Uvi Yehowa gana toga ndo egi akombeledi enji akhale athu atagana. (Tanga Ngimbo 103:13, 14.) Muene wana suanguluga tangua udi mutshita ngolo ha gukalagala ndaga jiabonga! Mbawugukuatesa. Yehowa wana gutuwambela egi gushigo nga gima gimoshi giajiya “gutukhaphumuna mu guzumba [guenji].”—Tanga Roma 8:38, 39.
TUKAMBE GUJIYA NDAGA JIAVULA
Tala luholo wajiya gujiya Nzambi muabonga nu gutshigina ukuateshi wenji hagula ubinge ndaga jiajiya gugukanga njila ha gubatijiwa.
4. Jiya Yehowa muabonga
Mukunda natshi udi naye gujiya Yehowa muabonga gutuama dia gubatijiwa? Udi naye gumujiya muabonga ha gumuzumba nu gumusuanguluisa. Tala VIDEO ha gumona luholo mala nu akhetu a ha mavu agasue anyi ana longuga Biblia ana kalagala ndaga yene. Gungima zuelelenu muhu owu walandula.
Mu video eyi tuatala, itshi yakuatesele athu ako ha gudilondega mukunda nu gubatijiwa?
Tanga Roma 12:2, gungima zuelelenu mihu eyi:
Wana khala nu ba dute mu malongo a Biblia nga ha gutshigina egi Matemue a Yehowa ana longesa diago giamatshidia ba?
Gula idi ngenyi, itshi wajiya gutshita?
5. Wajiya gubinga ndaga jiajiya gugukanga njila ha gubatijiwa
Mukut’etu agasue tuana tagana nu malamba tangua tuana zula desizio dia gudihana gudi Yehowa nu gubatijiwa. Ha gufezegesa, tala VIDEO, gungima zuelelenu mihu eyi yalandula.
Mu video eyi, ndaga jitshi Narangerel wakhalele naye gubemba ha gukombelela Yehowa?
Luholo lutshi guzumba guenji mukunda nu Yehowa guamukuatesele ha gubinga ndaga jiene?
Tanga Ishima 29:25 nu 2 Timote 1:7, gungima zuelelenu muhu owu:
Itshi yana gutuhana ngolo ha gubinga malamba?
6. Sha mutshima mu ukuateshi wa Yehowa
Yehowa mbawugukuatesa ha gumusuanguluisa. Tala VIDEO, gungima zuelelenu mihu eyi yalandula.
Mu video eyi tuatala, itshi yakhalele mukanga muthu wakhalele mulonguga Biblia njila ha gubatijiwa?
Ndaga itshi yalongugile muene yamukuatesele ha gushila Yehowa mutshima?
Tanga Yeshaya 41:10, 13, gungima zuelelenu muhu owu:
Mukunda natshi wajiya gusha mutshima egi mbawutagenesa ndaga walayele Yehowa mu lusugu wadihanele gudi muene?
7. Khala muhana mersi mu luholo Yehowa wana guguzumba
Gula watangiza muavula luholo Yehowa wana guguzumba, mbawumuhana mersi nu mbawumukombelela mayilago. Tanga Ngimbo 40:5, gungima zuelelenu muhu owu:
Ishimbigo itshi ya Yehowa yana gugusuanguluisa muavula?
Profete Yelemiya wakhalele muzumba Yehowa nu mbimbi yenji muavula, wakhalele nji musuanguluga muavula nu mudimo wenji wa gulongesa jina dia Yehowa. Wazuelele egi: ‘Mbimbi yaye yasuanguluishile mutshima wami, handaga ngana bata jina diaye, O Yehowa Nzambi.’ (Yelemiya 15:16) Wajiya guhana mvutu jia mihu eyi:
Mukunda natshi gukhala Temue wa Yehowa gudi luendu luakoma?
Watshigina diago gubatijiwa ha gubua Temue wa Yehowa ba?
Gudi nu ndaga imoshi yana gugukanga njila ha gubatijiwa ba?
Udi mutangiza egi itshi udi naye gutshita ha gubatijiwa?
ATHU AKO ANA ZUELA EGI: “Ngudi mumona gifua ngajiyilego gutagenesa ndaga jiagasue jiana layewa mu lusugu lua gubatijiwa.”
Aye nji wana tangiza ngenyi ba?
NDAGA WALONGUGA
Yehowa wajiya gugukuatesa ha gubinga ndaga yagasue yajiya gugukanga njila ha gubatijiwa.
Mihu ya Guvutugila
Udi naye gujiya ndaga jiagasue jidi mu Biblia ha gubatijiwa ba?
Ndaga jitshi udi naye gusombegesa gutuama egi ubatijiwe?
Mukunda natshi ushigo naye gubemba egi woma uguvutule gungima?
NDAGA JIKO JIA NDANDO
Tala ndaga yajiya gugutuma ha guzula desizio dia gubatijiwa.
“Udi Hehi ha Gubatijiwa Ba?” (Inzo Yaleha ya Mutaledi ya Mars 2020)
Tala luholo wajiya gubinga malamba anyi ajiya guguvutula gungima.
“Itshi Idi Gungukanga Njila ha Gubatijiwa?” (Inzo Yaleha ya Mutaledi ya Mars 2019)
Tala luholo yala mumoshi wabingile ndaga jiakhalele gumukanga njila ha gubatijiwa.
Thomo, phangi Ataa wakhalele muvua woma ha gubatijiwa. Uvi tala ndaga yamukuatesele ha gubatijiwa.