Luholo lua Gukalegela JW Library

MUKUNDA NU GULONGUGA:

• Tanga Biblia nu mukapho wa Biblia wa lusugu nu lusugu (Examinons les Écritures)

• Tanga Annuaire, mazulunalu, nu mikanda iko. Sha njimbu ha guwunguluga fundo wasugishila lutango

• Londega malongo mbamulonguga mu gudibungisa mu hungu, khala gusha mifundunda mu mvutu udi mumona

• Tala video

MU GUDIBUNGISA:

• Kamba mu Biblia yaye, verse jidi muhanewa gudi muzuedi. Talela luholo ndaga yabalegele, ha guvutuga luko mu verse yiwatangi

• Ha fundo dia gubata papie jiavula mu gudibungisa, kalegela telefone nga tablete yaye ha gulandula itshinyi yagasue ya gudibungisa nu ha guyimba ngimbo. Mu JW Library mudi nu ngimbo jihe-jihe, jidi khenji jimbiwa gale ndo mu mukanda wa ngimbo

MU MUDIMO WA GULONGESA:

• Gila muthu wasuanguluga nu ndaga udi gumuwambela, mumonese gima gimoshi mu JW Library. Gungima dienji, mukuatese ha gumba JW Library nu mikanda yiko mu telefone nga mu tablete yenji

• Kalegela fundo diana gukambewa verse. Gila wahetelego mbimbi udi mukamba mu Biblia ihe-ihe ya Traduction du monde nouveau (NWT), kamba luko mu Biblia Traduction du monde nouveau avec notes et références (Rbi8)

• Talesa video. Gila muthu udi muzuela n’enji udi nu ana, wajiya guatalesa video imoshi mukatshi dia video Deviens l’ami de Jéhovah (Bua futa dia Nzambi). Nga ndo, wajiya guatalesa video Gikuma Kitshi Tudi Naye Gulonguga Biblia? ha guhana athu ene nzala ya gukalagala ulongugi wa Biblia. Gula gudi nu muthu wana guzuela zuelelo diko, mutalese video idi mu zuelelo dienji

• Ngina mu JW Library ha guzula verse imoshi yabalumuiwa mu Biblia iko, hagula mbawuyileze muthu. Ha guyizula, ngina mu mukanda umoshi wa Biblia, tomba verse watshigina, gungima dienji, bueta gifuanesa gia Biblia, ha gumona luholo verse yene yabalumuiwa mu Biblia iko