Tukudise Luholo Luetu lua Gulongesa Mbimbi ya Nzambi​—Kalegela Video ha Gulongesa

MUKUNDA NATSHI IDI NU NDANDO:

Video jiajiya gukuata mitshima ya athu luholo adi muvua ndaga jidi muzuelewa nu gumona athu adi gujizuela. Jiajiya nji guakuatesa ha gusha matangi awo mu ndaga jiene nu ha gujiwunguluga masugu adi muza. Yehowa wahanele gifezegeselo giabonga mu ndaga jiatadila gukalegela ifuanesa ha gulongesa athu.​—Makal 10:9-16; Yat 1:1.

Ndaga jiko jidi mu longo dia 2 nu dia 3 dia gamukanda Mene Jiabonga jiamonesewa mu video eji jialandula: Dieu a-t-il un nom? (Nzambi Wakhala nu Jina ba?), Qui est l’Auteur de la Bible? (Biblia idi Mukanda wa Nanyi?), nu Comment être sûrs que la Bible vient de Dieu? (Itshi idi Gututshiginyisa Egi Biblia Yakatuga gua Nzambi?) Video jidi nu mito ya mene: Gikuma Kitshi Tudi Naye Gulonguga Biblia?, Gulonguga gua Biblia Guana Gukalegewa Luholo Lutshi?, Ndaga Jitshi Jiana Gukalegewa mu Inzo ya Ufumu? Jiana gukuatesa athu ha gulonguga Biblia nu esue nga ha guza mu gudibungisa guetu. Tuajiya luko gutalesa video jietu jiko tangua tudi mulongesa athu Biblia.​—km-F 5/13 diyiji 3.

LUHOLO LUA GUYIKALAGALA:

• Diangela guzula mu Internet, video watshigina gutalesa muthu udi muzuela nenji

• Londega muhu umoshi nga iyadi. Mvutu jia mihu yene jidi naye guzoga mu video yene

• Talenu n’enji video yene

• Zuelelenu ndaga jiandando jidi mu video yene

LOLA GUKALEGELA NDAG’EJI:

• Leza muthu kode idi gu ngima dia trakte, muleze kode Internet yajiya gumukuatesa ha gutala video Gikuma Kitshi Tudi Naye Gulonguga Biblia?

• Talesa video Comment être sûrs que la Bible vient de Dieu? (Itshi idi Gututshiginyisa Egi Biblia Yakatuga gua Nzambi?) Gungima dienji, hana muthu muene gamukanda Mene Jiabonga, zuelelenu n’enji longo dia 3