Luholo lua Gukalegela Video Jiana Zuelela Gulonguga gua Biblia

Tuana khala nu video nguana tuana kalegela mu mudimo wa gulongesa, jiana zuelela gulonguga gua Biblia. Mukunda natshi azolele video jiene?

• 

  Mukunda Natshi Tudi Naye Gulonguga Biblia?​—Yaleha. Video yiyi yazolewe ha gukuatesa athu a mu ikombelelo yagasue ha gusuanguluga nu ndaga jiana longesa Biblia. Yana kuatesa athu ha gukamba mvutu jia mihu yakoma yatadila monyo mu Biblia. Yana hana nji mvutu gu mihu iko. Yana kotelesa luholo muthu wajiya gutoga ha gulonguga Biblia.

• 

  Mukunda Natshi Tudi Naye Gulonguga Biblia? (Yahihia). Video yiyi idi luholo lumoshi nu inyi yaleha. Yana khala yabonga ha gutalesa athu ana khalago nu tangua diavula ha guta maga a Biblia.

• 

  Gulonguga gua Biblia Guana Gukalegewa Luholo Lutshi? Video yiyi yazolewe ha gukuatesa athu ha gutshigina gulonguga Biblia ya ofele nu ha guhana mvutu gu mihu iko ana gudihula. Yana monesa nji luholo muthu wajiya gutoga ha gulonguga Biblia.

• 

  Luholo Gulonguga gua Biblia Gudi Naye Gukalegewa. Video yiyi yazolewe ha gutalesa athu ana longuga Biblia. Ikhale video yene idi ha diyiji dia mbadi dia mukanda Heta Monyo wa Ivo nu Ivo! uvi wajiya guyitalesa muthu tangua mudi mulonguga gamukanda Heta Monyo wa Ivo nu Ivo! Video yene yana monesa ndaga jidi mu mukanda wene nu ndaga muthu udi mulonguga Biblia wajiya gutshita tangua mudi mulonguga.

Video eji jiagasue jiazolewego ha gutagenesa felela dimoshi, uvi gula waheta okazio wajiya gujitalesa nga gujitumila athu. Alongeshi adi naye gujidila nu video jiene nu gujiya luholo lua gujikalegela mu mudimo wa gulongesa.