Kalegela Mukanda Heta Monyo wa Ivo nu Ivo! ha Gukolesa Gutshigina Guaye Gudi Yehowa nu Gudi Yesu

Athu ana longuga Biblia adi naye gukolesa gutshigina guawo gudi Nzambi ha gumusuanguluisa. (Heb 11:6) Tuajiya gukalegela mukanda Heta Monyo wa Ivo nu Ivo! ha guakuatesa ha gukolesa gutshigina guawo. Mukanda wene udi nu ba verse a ndando, ndaga jiajiya gukuatesa muthu ha gutangigiza, mihu yabonga, video jidi muhana gikhesa nu ifuanesa yawaha. Gula tudi mukuatesa athu ana longuga Biblia ha gukudisa makalegelo a Uklisto nu gukolesa ufuta wawo nu Nzambi, mbayimonesa egi tudi mutunga nu ima yajiyilego guhia gu tshuya.—1Kol 3:12-15.

Athu ako ana tangiza egi yanakhala lamba ha gukuata ufuta nu Nzambi, handaga ana gumumona ndo. Hene tudi naye guakuatesa ha gujiya Yehowa nu ha gumushila mutshima.

TALESA VIDEO KALEGELA MUKANDA “HETA MONYO WA IVO NU IVO!” HA GUKOLESA GUTSHIGINA GUAYE GUDI YEHOWA, GUNGIMA HANENU MVUTU GU MIHU EYI:

• Itshi idi mumonesa egi phangi wa mukhetu wadilondega muaboga ha gulonguga nu muthu?

• Gungima dia gutanga Yeshaya 41:10, 13, luholo lutshi phangi muene wahudi mihu yakuatesa muthu udi mulonguga ha guhana matangi enji?

• Itshi idi mumonesa egi video atadi nu verse atangi jiakuatesa muthu wakhadi mulonguga Biblia?

Athu avula ana kotelesago gibawu, ana mona ndo egi idi kado yakatugile gudi Nzambi. (Gal 2:20) Hene tudi naye guakuatesa ha gukolesa gutshigina guawo gu gibawu gia Yesu.

TALESA VIDEO KALEGELA MUKANDA “HETA MONYO WA IVO NU IVO!” HA GUKOLESA GUTSHIGINA GUAYE GUDI YESU, GUNGIMA HANENU MVUTU GU MIHU EYI:

• Itshi idi mumonesa egi phangi wa yala wadilondega muabonga ha gulonguga nu muthu?

• Luholo lutshi phangi muene wakalegela ndaga jidi ha gitshinyi “Tala Ndaga Eji” ha gukuatesa muthu akhala mulonguga n’enji?

• Mukunda natshi gisambu gidi nu ndando gudi muthu udi mulonguga Biblia?