Tukudise Luholo Luetu lua Gulongesa Mbimbi ya Nzambi​—Tukuatenu Mitshima ya Athu nu Mukanda “Gardez-vous dans l’amour de Dieu”

IDI NU NDANDO ITSHI: Athu adi naye gulonguga ha gujiya mikhuala ya Yehowa nu gukalagala ndaga jidi gudivua nu mikhuala yene ha gula egi Nzambi avue gukombelela guawo. (Yesh 2:3, 4) “Gardez-vous dans l’amour de Dieu,” udi mukanda wa ngiadi tuana kalegela ha gulonguga Biblia nu athu. Wana guakuatesa ha gujiya luholo mikhuala ya Nzanbi yana talela lujingu luawo. (Heb 5:14) Tangua tudi gualongesa Biblia, tudi naye guhaga ngolo ha gukuata mitshima yawo ha gula egi azule desizio dia gubalumuna makalagelo awo.​—Lomo 6:17.

LUHOLO LUA GUYIKAGALA:

• Tangua udi gudilondega, tangiza ndaga yajiya gukuatesa muthu wana gulonguga nenji. Londega mihu idi gumutalela yajiya gugukuatesa ha gujiya matangi enji mukunda nu ndaga mudi mulonguga.​—Ish 20:5; be-F diyiji 259

• Kalegela tuluanda tudi mu mukanda wene ha gukuatesa muthu wana gulonguga nenji Biblia ha gula egi amone funu ya gukalegela mikhuala ya Biblia

• Kuatesa muthu wana gulonguga nenji ha gutangiza muabonga ndaga jidi mutoga egi muene hakhenji azule desizio, uvi uzudigo badesizio ha fundo dienji.​—Gal 6:5

• Kalegela ndunge ha gujiya gula muthu wana gulonguga nenji Biblia udi nu funu ya ukuateshi ha gukalegela mikhuala iko ya Biblia. Mukolese azumbe Yehowa, enji guzumba guene gumutume ha gubalumuna makalegelo enji.​—Ish 27:11; Yone 14:31