LUJINGU LUA UKLISTO

Khala Mukombelela Mukunda nu Aphangi Aklisto Adi Mumonesewa Lamba

Biblia yazuelele gutuama egi Satana mbawutumonesa lamba hagula mudimo wetu wa gulongesa Mbimbi ya Nzambi wuyigo gutuama. (Yone 15:20; Yat 12:17) Luholo lutshi tuajiya gukuatesa aphangi Aklisto adi mumonesewa lamba mu ifutshi iko? Tuajiya gukombelela mukunda nu ene. “Gulomba guakola gua muthu udi wabonga gu meso a Nzambi gudi nu ngolo jiakola.”—Yak 5:16.

Phangi mumoshi wa yala wajitshigiwa shinga enji adi guya nenji mu bologo; hunji dia aphangi a mala nu a akhetu; phangi mumoshi wa yala udi mukombelela

Itshi tuajiya gutoga Nzambi mukunda nu ene? Tuajiya gutoga Yehowa ahane aphangi’etu a mala nu a akhetu gikhesa, enji a akuatese hagula avuigo woma. (Yesh 41:10-13) Tuajiya luko gukombelela mukunda nu mafumu a Leta hagula atuhane njila ya gukalagala mudimo wa gulongesa mbimbi ya Nzambi, “ha esue tukhale nee nu guhuima.”—1Tim 2:1, 2.

Tangua mupostolo Pholo nu Phetelo amonesewe lamba, Aklisto a tangua diathomo akombelele mukunda nu ene, atangele nji majina awo mu isambu yawo. (Makal 12:5; Lomo 15:30, 31) Nga tushigo mujiya majina a aphangi’etu agasue adi mumosewa lamba mangino, tuajiya gutanga majina a mahungu awo, a dimbo diawo, nga a gifutshi giawo?

Sonega majina a ifutshi watshigina gukombelela mukunda nu aphangi Aklisto adi mumonesewa lamba.