Kuatesa Fami Yaye ha Gula Ibuitshigo Yehowa Mutshima

Yehowa watumine Yelemiya ha guwambela enya Yuda egi luholo amubuitshile mutshima, mbawaashiya. (Yel 13:25) Luholo lutshi giphuta gia Isalele giakudishile khadilo edi diabola? Fami jia enya Isalele jiatotesele makalegelo awo a mu nyuma. Idi yadiago egi, mafumu a fami akhalelego mulandula ndaga jia zuelele Yehowa mu mukanda wa Mikhuala 6:5-7.

Mangino, gula fami jidi jiakola mu nyuma, mahungu etu nji mbaakhala akola. Mafumu a fami ajiya gukuatesa fami jiawo ha guwunguluga Yehowa gula adi mukalagala Gukombelela Guabonga gua mu Fami phoso yagasue. (Ngi 22:27) Gungima dia gutala video “Ces paroles devront être sur ton cœur”​—Interviews de familles, hanenu mvutu gu mihu eyi:

• Luholo lutshi enya fami jiko abingile diago malamba ana gutagana nawo Aklisto ha gukalagala Gukombelela gua mu Fami?

• Gubonga gutshi muajiya guheta gula mudi mukalagala diago Gukombelela gua mu Fami phoso yagasue?

• Mu ndaga yatadila Gukombelela gua mu Fami, malamba atshi ngana gutagana nawo? Itshi ngajiya gukalagala ha gubinga malamba ene?