“Ces paroles devront être sur ton cœur” (“Mikhuala ingudi gumihua Muyikuate mu Mutshima”)
Mvuaji jidi gifa abambi a imeme. Jidi naye gubamba ana’wo muabonga, handaga ana akhala aleba, ajiya gudimbiwa muphushi. (Ish. 27:23) Luholo lutshi mvuaji jiajiya gukalagala mudimo wene muabonga? Jidi naye gutomba tangua dia guta maga nu an’awo masugu agasue, hagujiya matangi awo. (Ish. 20:5) Mvuaji jidi naye luko gukalagala yagasue hagula an’awo akhale nu gutshigina guakola gudi Nzambi. (1 Kol. 3:10-15) Video eyi: “Ces paroles devront être sur ton cœur” yana gumonesa ndando ya gukombelela mu fami phoso jiagasue. Italenu mu fami yenu, gungima dihulenu mihu eyi:
(1) Mukunda n’atshi fami ya Thomas Roman yakhadile yaleba mu nyuma? (2) Mukunda n’atshi lusugu lua thomo fami ya Thomas Roman yakalegeleko gukombelela mu fami? (3) Luholo lutshi luabonga Biblia yana gutuleza tukalagale hagusasa ana? (Mik. 6:6, 7) (4) Gima gitshi giajiya gutukuatesa haguta maga muabonga mu fami? (5) Gima gitshi giandando mvuaji jidi naye gukalegela an’awo? (6) Luholo lutshi Martin nu mukaji’enji akuatesele fami ya Thomas Roman? (Ish. 27:17) (7) Gima gitshi mafumu a mafami ajiya gukalagala thomo hagula gukombelela mu fami gubalege muabonga? (8) Thomas Roman wakalegele itshi hagubalumuna milonga mu fami y’enji? (9) Mukunda n’atshi gukombelela mu fami phoso jiagasue gudi nu ndando? (Ef. 6:4) (10) Matangi atshi abonga tuajiya gutadila tangua dia gukombelela mu fami? (11) Luholo lutshi Thomas Roman akhadile nu guhuiminyina uvi abalumuineko mantangi enji ndo hagukuatesa mun’enji Mathias amone ndando yagukalagala milonga yabonga? (Yel. 17:9) (12) Luholo lutshi Thomas Roman nu mukaji’enji akuatesele mun’awo Rébecca haguzula desizio yabonga mukunda nu ufuta wenji nu Justin? (Mako 12:30; 2 Tim. 2:22) (13) Luholu lutshi Thomas Roman nu mukaji’enji amonesele gutshigina tangua diagulondeka milonga mu monyo wawo? (Mat. 6:33) (14) Luholo lutshi video yamonesa egi mafumu a mafami adi naye gukolesa nyuma ya mafami awo? (1 Tim. 5:8) (15) Desizio itshi wazula gila udi fumu wa fami?
MBIMBI GUA MAFUMU A MAFAMI: Drame edi diakalegewe mu asamble ya rejio ya masugu athatu mu 2011. Mu tangua diene, wamonele gima wakhadile naye gulondeka mu gukombelela mu fami yaye ba? Masugu awa gima gitshi wajiya luko gulondega? Gila udi nagio, kombelela tangua diagasue mukunda nu gusuanguluga gua fami yaye gua ivo nu ivo.—Ef. 5:15-17.