Yesu Wakalegela Athu Azonda ha Gudisa Athu Avula

Gutuama dia wano wa Pake wa givo 32 gia tangua dietu, Yesu wakalegele ndaga ya gushimana. Idi diago ndaga imoshi phamba ya gushimana ya sonegele asonegi agasue nguana a ba Evanjile.

Ndaga eyi ya gushimana ya tshitshile Yesu, yakhalele gifua gifezegeselo gia ndaga jidi mulandula muene gukalagala mangino.

14:16-21

• Yesu wawambelele alandudi enji ha gudisa athu avula, ngatshima ene akhalele nu mapha phamba atano nu jishui mbadi

• Yesu wazanguile mapha nu jishui, gungima dia guhana Nzambi mersi, waahanele thomo gudi alandudi, gungima alandudi enji a ahanele gudi athu avula

• Ndaga ya gushimana idi egi, ima ya gudia yakhalele yavula mukunda nu muthu wagasue. Yesu wadishile athu avula mu njila ya athu azonda​—alandudi enji

  

• Yesu wadiangele guzuela egi mu masugu a gisugishilo, mbawutomba athu mbaahana alandudi enji ‘ima ya gudia ya mu nyuma mu tangua diatagana.’​—Mat 24:45

• Mu givo 1919, Yesu watombele ‘muhiga wafubidila nu watema,’ yakotelesa egi hunji diazonda dia aphangi a mala ambiwe maji mu nyuma. Waatombele ha gudisa ‘enya mudimo enji’ mu nyuma

• Luholo Yesu gadi mukalegela hunji edi diazonda dia aphangi a mala ambiwe maji mu nyuma ha gudisa alandudi enji, udi mulandula metode akalegele muene mu tangua dia thomo

Luholo lutshi ngajiya gumonesa egi ngana gusuanguluga, luko ngana gunemesa athu atombele Yesu ha gutudisa mu nyuma?