“Muthu Gakhaphumunago Yabungishile Nzambi . . .”

Mukhuala wa Moise wakhalele muzuela egi yala wago udi mutshigina gushiya ulo nu mukaji’enji wakhalele naye gulondega  mukanda wa gushiya ulo. Gukalagala ngenyi guakhalele mukanga athu njila ya gushiya ulo mu phushi. Uvi mu tangua dia Yesu, mafumu a mangumba akhalele muhana gawo athu njila ya gushiya ulo mu phushi. Mala akhalele mushiya gawo ulo nu akaji’awo mukunda nu ndaga yagasue atshigina. (“mukanda wa gushiya ulo” noti jia gulonguga jia Mako 10:4, nwtsty; “yala wabemba mukajiʼenji,” “yala unu udi muwenda uthambi” noti jia gulonguga jia Mako 10:11, nwtsty) Yesu wakuatesele athu ha gujiya egi Yehowa udi ha gishina gia ulo. Mako 10:2-12 Idi mumonesa egi yala nu mukhetu akhelele naye gubua “muthu mumoshi” mu gudibungisa gua mayilago. Mu Biblia, ha gutadila ndaga jidi mu mukanda wa Matayo, ndaga imoshi phamba idi muhana yala nu mukhetu njila ya gushiya ulo idi uthambi.​—Mat 19:9.

Mangino, athu avula anago gutadila ulo gifua luholo Yesu wakhalele guwutadila. Ana guwutadila luholo Afalese akhalele guwutadila. Gula milonga yabua mu ulo, athu anyi ashigo Aklisto ana gukamba phushi gushiya ulo. Uvi Aklisto, anago guzangula ulo gifua gima gia gukena nagio; ana guwuzula nu ndando yavula diago. Luko, ana gukalagala ngolo ha gutumagela mikhuala ya Biblia ha gubinga malamba ana gutagana nawo mu ulo. Gungima dia gutala video Guzumba nu Gunemesa Guana Gukuatesa Fami ha Gujinga Hamoshi, hanenu mvutu gu mihu eyi:

• 

  Luholo lutshi wajiya gukalegela Ishima 15:1 mu ulo waye? Mukunda natshi idi nu ndando?

• Luholo lutshi wajiya gutuna milonga gula udi mutumagela Ishima 19:11?

• Gula watagana nu milonga idi mutshigina gushiya ulo waye, hafundo dia gudihula egi, ‘Ngudi naye gushiya ulo ba?’ mihu itshi udi naye gudihula?

• Luholo lutshi wajiya gukhala yala watagana nga mukhetu watagana, gula watumagela Matayo 7:12?