Landula Muabonga Gifezegeselo gia Klisto

Yesu watubembelele gifezegeselo giabonga giagulandula, tangua tudi mutagana nu malamba nga usageshi. (1Phet 2:21-23) Ngatshima athu ashingile Yesu, muene gavutudilego mashingana, ikhale mu tangua diakhalele mutagana muene nu malamba. (Mako 15:29-32) Itshi ya mukuatesele ha gusala yagujinginyina? Wazudile desizio dia gukalagala gutshigina gua Yehowa. (Yone 6:38) Washile nji matangi’enji mu “gusuanguluga guakhalele gumunengena.”​—Heb 12:2.

Itshi tuajiya gutshita tangua athu adi gutusagesa mukunda nu gutshigina guetu? Aklisto a giamatshidia anago “guvutula gubola mu gubola.” (Lomo 12:14, 17) Gula tudi mulandula luholo Yesu wakhalele mukolesela mu malamba, tuajiya gusuanguluga handaga Nzambi wana gututshigina.​—Mat 5:10-12; 1Phet 4:12-14.

TALESA VIDEO IDI NU MUTO WA LUMENE EGI GUSHIGO NU GIMA GIABALEGA JINA DIA YEHOWA NDANDO, GUNGIMA HANENU MVUTU GU MIHU EYI:

• Luholo lutshi phangi wa mukhetu Gertrude Pötzingera wakalegele tangua dienji nu gutema guagasue hakhalele muene mu bologo?

• Malamba atshi phangi wa yala Martin nu wa mukhetu Gertrude Pötzinger ataganele nawo mu mabologo agudisha?

• Itshi yaakuatesele ha gukolesela?