Kuata Ufuta nu Athu Ana Guzumba Yehowa

Mukunda natshi tudi naye gukuata ufuta nu athu ana guzumba Yehowa? Handaga mafut’etu ajiya gutukuatesa ha gutshita ndaga jiabonga, nga gututuma ha gukalagala milonga yabola. (Ish 13:20) Fumu Yoase watshitshile ‘ndaga jiabonga gu meso a Yehowa’ handaga wakhalele futa dia Nganga-nzambi Wakoma Yehoyida. (2Gudi 24:2) Uvi tangua diafile Yehoyida, Yoase wabembele gukombelela Yehowa handaga wakuatele ufuta nu athu abola.​—2Gudi 24:17-19.

Mu siekle ya thomo ya tangua dietu, mupostolo Phaula wafuanesele hungu dia Uklisto nu “inzo yakoma.” Wafuanesele aphangi a mu hungu nu “ikadigilo,” nga ima ya monzo. Tudi naye gutuna gukuata ufuta nu athu ana gutshita ndaga jiabola, ikhale athu ene adi enya fami yetu nga aphangi a mu hungu. Gula tuatshita ngenyi, mbatukhala “gikadikilo gia mudimo wa lukuma.” (2Tim 2:20, 21, NWT) Mukut’etu agasue, tulandulenu gukuata ufuta nu athu ana guzumba Yehowa, nu ajiya gutukuatesa ha gumukombelela.

TALENU VIDEO IDI MUZUELA EGI TUNA MAFUTA ABOLA. GUNGIMA, HANENU MVUTU GU MIHU EYI:

• Luholo lutshi tuajiya gusendesa gukuata ufuta nu athu abola?

• Mu video eyi, itshi yakuatesa Aklisto mutatu ha gukoka ufuta nu athu abola?

• Mikhuala itshi ya Biblia yajiya gugukuatesa ha gutomba mafuta nu gutema guagasue?