Midimo Yabonga Yinyi Nzambi Gajiyilego Gubuita Mutshima

Akombeledi agasue a Yehowa ajiya gukalagala midimo yabonga yinyi Nzambi mbagabuitshigo mutshima. Luholo lumoshi nu mvuaji wana gusuanguluga nu midimo yana gutshita an’enji, Yehowa ganago gubuita mutshima gu mudimo wetu nu guzumba tuana gumonesa mukunda nu jina dienji. (Mat 6:20; Heb 6:10) Yadiago, mukut’etu agasue tuakhala nu lujingu nu ndaga jia gudisha. Uvi, gula tuadihana muavula ha gukalagala mudimo wa Yehowa, mbatukhala nu gusuanguluga. (Gal 6:4; Kol 3:23) Sendese mualeha, aphangi a mala nu a akhetu ana gukalagala mudimo gu Betele. Aye nji wajiya gutshigina gukalagala mudimo gu Betele ba? Gula aye wajiyilego guya guene, wajiya gukolesa muthu muko ha guya gu Betele? Wajiya gukolesa phangi mumoshi wa gu Betele ha gulandula gutshita mudimo owu wa ndando ba?

TALENU VIDEO IDI MUZUELA EGI TSHIGINA GUKALAGALA MUDIMO GU BETELE. GUNGIMA, HANENU MVUTU GU MIHU EYI:

• Itshi idi naye gutuma muthu ha guya mutshita mudimo gu Betele?

• Gubonga gutshi aphangi ako ana guheta luholo ana gukalagala mudimo gu Betele?

• Ha guya gu Betele, yana gutoga itshi?

• Luholo lutshi wajiya gutoga ha guya gu Betele?