Tukudise Luholo Luetu Lua Gulongesa Mbimbi ya Nzambi​—Zuela mu Luholo Ludi Musuanguluisa Athu

MUKUNDA NATSHI IDI NU NDANDO: Aklisto ambiwe maji mu nyuma nu imeme iko adi mutamega athu a maluhulo agasue ha guza ‘muzangula meya a monyo a githuhu.’ (Yat 22:17) Meya awa a gufuanesa adi mukotelesa ndaga jiagasue jialondele Yehowa ha guhuluisa athu ana gumutumagela gu gubola nu gu gufua. Ha gukuatesa athu adi nu kutime nu gutshigina gua gudisha, tudi naye gualongesa “lukuma luabonga lua ivo nu ivo” hagula lusuanguluise muthu mumoshi-mumoshi mukatshi diawo.​—Yat 14:6.

LUHOLO LUA GUYIKAGALA:

• Tomba ndaga nu verse mbayikuata mitshima ya enya mu terituare yaye. Wajiya gukalegela mene jidi mumonesa luholo lua guta maga nu athu, nga guzuelela ndaga imoshi wana gukalegela gale muabonga. Ndaga nga verse jitshi athu ana gusuanguluga najio? Gudi nu ndaga imoshi ihe-ihe athu avula adi mutangiza nga guyizuelela ba? Mene jitshi jiajiya gusuanguluisa mala nu akhetu?

• Khala nu khadilo dia gumenega athu nga guzuela nawo ndaga jiana guasuanguluisa ha fundo muana gujinga.​—2Kol 6:3, 4

• Kamba gujidila muabonga nu mikanda nu video jidi mu Ikadigilo ya Gulongesela Biblia ha gukuatesa muthu wasuanguluga nu giamatshidia

• Zula mikanda nu video mu mazuelelo a athu wajiya gutagana nawo mu terituare yaye

• Tshita yagasue hagula ndaga udi muzuela jikuatese muthu udi muta nenji maga. (1Kol 9:19-23) Ha gufezegesa, itshi wajiya guzuela gula wajiya egi muthu udi muzuela nenji wakatuga gufuisa muthu?

TALENU VIDEO, GUNGIMA HANENU MVUTU GU MIHU EYI:

• Ndaga jitshi mulongeshi wasendesa guzuelela ha guta maga nu muthu?

• Ndaga jitshi muthu muene watagenele najio mu lujingu luenji?

• Verse itshi yakhadi yabonga gudi mulongeshi ha gutangela muthu gakhala muta nenji maga mu okazio owu? Nu mukunda natshi?

• Luholo lutshi wana gudilonda hagula maga aye asuanguluise athu a mu terituare yaye?