Nanyi Mbangutamega?

Givo nu givo, tuana kalagala ngolo ha gutamega athu a mu terituare yetu ha guza gudibungisa nu esue ha Guwunguluga Gufua gua Yesu. Avula mukatshi diawo, tuanago gudijiya nawo. Tuana tamega nji athu ako tuadijiya nawo. Matangua avula, athu tuadijiya nawo ana guza ha guwunguluga gufua gua Yesu gula tuaahana emvitasio. (yb08-F diyiji 11 par. 3; diyiji 14 par. 1) Akuatshi wajiya gutamega ha guza muwunguluga gufua gua Yesu?

• Enya fami yaye

• Mafut’aye a mudimo nga a khalasa

• Athu wana gujinga nawo hehi

• Athu wana guta nawo maga a Biblia; athu wakhalele mulongesa Biblia mu masugu abalega; nu awa wana longuga nawo masugu awa

Luko, akulu mbaatshita ngolo ha gutamega aphangi anyi alebele gale mu nyuma. Itshi wajiya gutshita gula athu ako muadijiya nawo ana gujinga gualeha nu aye? Hagula ujiye tangua nu fundo mbadikalegewa Guwunguluga gua Gufua gua Yesu mu dimbo didi athu ene, ngina mu jw.org ha fundo diasonegewa egi NDAGA JIATUTADILA. Gungima, bueta ha fundo diasonegewa egi “Guwunguluga Gufua gua Yesu.” Tangua udi gudilondega mukunda nu gudibungisa gua givo egi gua guwunguluga gufua gua Yesu, tangiza athu wajiya gutamega, enji ahane emvitasio.