Tomba Gukalegela Yehowa

Gula udi muvuala udi khenji ubatijiwe ndo nga udi muthu wana longuga Biblia, wazudile gale desizio dia gubatijiwa ba? Mukunda natshi udi naye gubatijiwa? Gudihana nu gubatijiwa gudi gisendeselo gia ufuta wakola nu Yehowa. (Ngi 91:1) Guajiya nji guguhuluisa. (1 Phet 3:21) Luholo lutshi wajiya gutagenesa ndaga eji jiagasue?

Monesa mu makalegelo aye egi udi diago mulonguga giamatshidia. Gula muhu wagujila mu matangi, kalagala ba recherche. (Lomo 12:2) Kalagala ngolo ha gujiya ndaga jiabola wajiya gusombegesa, kamba gutshita ndaga jidi mu suanguluisa Yehowa. (Ish 27:11; Ef 4:23, 24) Landula gutoga ukuateshi wa Yehowa mu gisambu. Khala nu gutshigina egi Yehowa mbawuguhana ngolo nu nyuma yenji yabonga. (1 Phet 5:10, 11) Ndaga jiagasue jiabonga udi mukalagala jidi nu ndando yavula. Gukombelela Yehowa gudi ndaga yabalega ndando mu monyo wetu!—Ngi 16:11.

TALENU VIDEO NJILA IDI MUBATA GUGUBATIJIWA. GUNGIMA, HULA MIHU EYI:

• Malamba atshi athu ako ana binga gutuama dia gubatijiwa?

• Luholo lutshi wajiya gukudisa khadilo dia gudihana gudi Yehowa?

• Itshi yakuatesele athu ako ha guzula desizio dia gubatijiwa?

• Gubonga gutshi guana heta athu ana tomba gukombelela Yehowa?

• Gudihana nu gubatijiwa gudi mukotelesa itshi?