Khala Muzumba Enya Fami Yaye

Guzumba guajiya gukuatesa fami ha gujinga hamoshi. Gula fami ishigo nu guzumba, yajiya gukhala lamba ha gudivua nu ha gutshita ndaga hamoshi. Luholo lutshi mala nu akhethu nu mvuaji ajiya gumonesa guzumba mu fami?

Yala wana zumba enya fami yenji wana tshita yagasue ha gutaganesa nzala jia mukaji’enji, gutegelela matangi enji nu luholo adi gudivua. (Ef 5:28, 29) Udi naye guahana ima ya gujingila adi nawo funu, udi naye nji guakuatesa ha gukolesa ufuta wawo nu Yehowa, yakotelesa gukhala nu programe yabonga ya Gukombelela gua mu Fami mu nguenze. (1 Tim 5:8) Mukhetu wana zumba enya fami yenji udi naye gutumagela nu ‘gunemesa’ mulumi’enji. (Ef 5:22, 33; 1 Phet 3:1-6) Yala nu mukhetu adi naye gukhala hehi ha guditotesela. (Ef 4:32) Mvuaji jidi naye guzumba an’awo nu gualongesa ha guzumba nji Yehowa. (Mikh 6:6, 7; Ef 6:4) Malamba atshi an’enu ana tagana nawo gu khalasa? Luholo lutshi ajiya gubinga malamba ene? Gula fami idi diago nu guzumba, athu agasue mbakhala nu gusuanguluga nu mbadivua mu ubambi.

TALENU VIDEO IDI MUZUELA EGI LANDULA GUMONESA GUZUMBA GUA GIAMATSHIDIA MU FAMI YAYE, GUNGIMA, HANENU MVUTU GU MIHU EYI:

• 

  Luholo lutshi yala wana zumba enya fami yenji adi naye guzumba mukanji’enji?

• 

  Luholo lutshi mukhetu wana zumba enya fami yenji adi naye gunemesa mulumi’enji?

• 

  Luholo lutshi mvuaji jiana zumba an’awo jidi naye gualongesa malongo a Mbimbi ya Nzambi?