YIKADIKILE MU MUDIMO WA GULONGESA | HETA GUSUANGULUGA GUAVULA MU MUDIMO WA GULONGESA
Tshigina Ukuateshi wa Aphangi’etu
Yehowa watuhanele aphangi a mala nu a akhetu ‘a ha mavu a mudidi’ ha gutukuatesa. (1Phet 5:9) Aphangi ene ajiya gutukuatesa ha gubinga malamba tuana tagana nawo mu mudimo wa gulongesa. Ha gufezegesa, Akila nu Prisile, Silase nu Timote nu aphangi ako akuatesele mupostolo Phaula.—Makal 18:1-5.
Luholo lutshi aphangi ajiya gugukuatesa mu mudimo wa gulongesa? Ajiya guguhana malongo ha gujiya ndaga wajiya guwambela muthu udi guguwambela egi ashigo nu tangua nga ndo maga ene ashigo gumusuanguluisa. Ajiya nji guguwambela luholo wajiya guheta athu aguvutugila luko nga ha gujiya luholo lua gutoga gulonguga gua Biblia gudi muthu nu luholo lua gusendesa ulongugi wa Biblia nu muthu. Gula udi mujiya phangi mumoshi mu hungu dienu munu wajiya gugukuatesa, mutoge ukuateshi mu ndaga yene. Gutshita ngenyi mbagumikuatesa mukut’enu agasue ha guheta gusuanguluga guavula mu mudimo wa gulongesa.—Fili 1:25.
TALENU VIDEO IDI MUZUELA EGI: HETA GUSUANGULUGA MU MUDIMO WA GUBUISA ATHU ALANDUDI—TSHIGINA UKUATESHI WA YEHOWA—APHANGI’ETU. GUNGIMA, HANENU MVUTU GU MIHU EYI:
Luholo lutshi phangi Neeta wakuatesele Jade ha guza mu gudibungisa gua mu hungu?
Mukunda natshi tudi naye guya nu aphangi ako ha gutuameza ulongugi wa Biblia?
Aphangi agasue a mu hungu ana kuatesa muthu hagula abue mulandudi wa Klisto
Ndaga itshi ya luholo lumoshi phangi Abigayile nu Jade akhalele mutshigina?
Malongo atshi atadila mudimo wa gulongesa aphangi ako ajiya guguhana?