Malamba Agasue Ana Khala nu Gisugishilo

Gula malamba tudi mutagana nawo ashigo muhua, yajiya diago gutulebesa muila. Davidi wakhalele mujiya egi malamba agasue adi mutagana nawo mukunda nu Fumu Saula mbaahua. Wakhalele nji mujiya egi mbawubua fumu gifua luholo Yehowa walayele. (1Sam 16:13) Gutshigina guamukuatesele ha gunengena Yehowa nu guhuiminyina guagasue.

Gula tudi mutagana nu malamba, tuajiya gukalegela ndunge jietu nu ujiyi wetu ha gutangiza luholo tuajiya gusombegesa mulonga wene. (1Sam 21:12-14; Ish 1:4) Uvi malamba ako anago guhua ikhale tuakalagala ndaga jiagasue tuakhalele naye gutshita mu gudivua nu malongo a Biblia. Mu tangua diene, tudi naye gungenena Yehowa nu guhuiminyisa guagasue. Gualeha ndo, muene mbawumanesela malamba etu agasue nu ‘mbawukukumuna masoji agasue’ gu meso etu. (Yat 21:4) Ikhale Yehowa nga gima giko giatukuatesa ha gudivua muabonga, uvi tujimbilago egi: Malamba agasue ana khala nu gisugishilo. Gujiya ngenyi guajiya gutukuatesa ha gukolesela.

TALESA VIDEO UN PEUPLE UNI DANS UN MONDE DIVISÉ, GUNGIMA HANENU MVUTU GU MIHU EYI:

• Malamba atshi aphangi ataganele nawo gu sud ya États-Unis?

• Luholo lutshi amonesele khadilo dia guhuiminyina nu dia guzumba?

• Luholo lutshi alanduile gukalagala ‘ndaga jiabalega ndando’?—Fili 1:10