Sha Mutshima Gudi Yehowa Tangua udi Mutagana nu Lamba dia Makuta

Mu masugu awa a gisugishilo tuana tagana nu malamba avula. Luholo gisugishilo gia mavu awa giasuena hehi, mbatutagana diago nu malamba avula. Matangua ako yajiya gukhala lamba ha guheta ima tudi nayo funu. (Hab 3:16-18) Itshi yajiya gutukuatesa gula tudi mutagana nu lamba dia makuta? Tudi naye gulandula gushila Yehowa Nzambi wetu mutshima. Walayile egi mbawukuatesa akombeledi enji, hene wajiya gutuhana ima tudi nayo funu ikhale mu tangua ditshi.—Ngi 37:18, 19; Heb 13:5, 6.

Ndaga wajiya gukalagala:

• Samba Yehowa hagula agutuameze, aguhane ndunge nu agukuatese.—Ngi 62:8

• Khala hehi ha gutshigina mudimo waguhanewa ngatshima khenji utshitshilego mudimo wene.—g-F 1/10 diyiji 8-9, tuluanda

• Khala mukalagala ndaga jia mu nyuma gifua gutanga Biblia lusugu nu lusugu, guya mu gudibungisa gua mu hungu nu gukalagala mudimo wa gulongesa

TALESA VIDEO, TUNGA INZO INYI MBAYIKHALA YAKOLA—“SUANGULUGA NU IMA UDI NAYO,” GUNGIMA HANENU MVUTU GU MIHU EYI:

• Malamba atshi fami jiko jiana tagana nawo?

• Ndaga jitshi jidi nu ndando yavula mu monyo wetu?

• Luholo lusthi tuajiya gukuatesa athu adi mutagana nu lamba dia makuta?