MAKALEGELO A UKLISTO
Kamba Gujiya Matangi a Nzambi
Tuana tshigina gusuanguluisa Yehowa mu ndaga jiagasue tuana kalagala. (Ish 27:11) Ha gutshita ngenyi, tudi naye guzula ba desizio adi gudivua nu matangi a Nzambi, ikhale gushigo nga nu mukhuala umoshi udi muzuelela ndaga yene. Itshi yajiya gutukuatesa?
Khala mulonguga Biblia lusugu nu lusugu. Tangua tuana tanga Biblia, yana khala gifua tudi mubalegesa tangua hamoshi nu Yehowa. Gula tudi mutala luholo Yehowa wana kalegela athu enji ndaga nu tudi mulonguga ifezegeselo ya athu anyi akalegele ndaga jiabonga nga jiabola gu meso enji, mbayitukuatesa ha gujiya matangi a Yehowa. Gula tudi mutshigina guzula desizio, nyuma ya Nzambi yajiya guguwunguluisa malongo a ndando nu mikhuala tualongugile mu Biblia.—Yon 14:26.
Khala mutshita ba recherche. Gula udi mutshigina guzula desizio dihule egi: ‘Verse jitshi nga ndo mene jitshi jidi mu Biblia jiajiya gungukuatesa ha gukotelesa luholo Yehowa wana tadila mulonga wene?’ Samba Yehowa ha gutoga ukuateshi, tshita ba recherche mu mikanda yetu inyi idi mu zuelelo dienu ha guheta malongo a Biblia ajiya gugukuatesa mu ndaga yene.—Ngi 25:4.
TALENU VIDEO NOUS DEVONS “COURIR AVEC ENDURANCE”—ALIMENTONS-NOUS SAINEMENT. GUNGIMA HANENU MVUTU GU MIHU EYI:
Ndaga itshi ya lamba muvuala wa mukhetu tuamonyi mu video watagenele naye?
Luholo lutshi gutshita ba recherche mu mikanda yetu guajiya gugukuatesa ha gubinga gula watagana nu malamba a luholo lumoshi?
Gubonga gutshi tuana heta gula tudi muzula tangua dia gulonguga Biblia nu tudi mutshita ba recherche ajiya gutukuatesa ha guzula ba desizio abonga?—Heb 5:13, 14