Dishile Mafelela Mukunda nu Sungi ya Guwunguluga Gufua gua Yesu

Givo nu givo, akombeledi a Yehowa ana tshita yagasue ha Guwunguluga Gufua gua Yesu hamoshi. Gutuama nu gungima dia Guwunguluga Gufua gua Yesu, tuana khala nu luendu luakoma lua gutumbuisa Yehowa nu gumuhana mersi mukunda nu mulambu wahanele muene mukunda nu esue. (Ef 1:3, 7) Ha gufezegesa, tuana tshita yagasue ha gutamega athu ako ha guza mu gudibungisa guene. Athu ako ana gudilondega gutuama hagula ajiya gutshita mudimo wa muvundji wa njila wa tangua diazonda mu mbeji ya Mars nu Avril ha guhana matangua 30 nga 50. Udi mutshigina gukalagala muvuala mudimo wa gulongesa mu sungi ya Guwunguluga Gufua gua Yesu? Itshi yajiya gugukuatesa ha guyikalagala?

Tuajiya gukalagala ndaga jiavula gula tudi gudilondega gutuama. (Ish 21:5) Luholo sungi ya Guwunguluga Gufua gua Yesu yasuena hehi, tudi naye gusendesa gudilondega. Kamba gujiya luholo wajiya gulongesa muavula mu sungi ya Guwunguluga Gufua gua Yesu. Zula nji desizio dia ndaga udi naye gutshita ha gutagenesa mafelela aye. Toga Yehowa ha gugukuatesa mu ndaga udi mutshita.​—1Yn 5:14, 15.

Wajiya gutangiza ndaga wajiya gutshita ha gukalagala muavula mudimo wa gulongesa mu sungi ya Guwunguluga Gufua gua Yesu?