Wana Tegelela Enregistrement a Lutango lua Biblia ba?

Enregistrement a lutango lua Biblia adi itshi? Adi enregistrement a Traduction du monde nouveau yazogele mu 2013. Gungima dia guzola Biblia yene, asendesele gutshita ba enregistrement a lutango lua Biblia mu mazuelelo avula. Ndaga yana gutukuatesa tangua tudi mulandula enregistrement ene, idi luholo ana kalegela majui a athu agudisha ha gudivua nu lumene lua muthu adi muzuelela mu Biblia. Athu ana tshita enregistrement ene ana gushidimina ndaga, ana zuela nji mu luholo luajiya gutukuatesa ha gukotelesa luholo athu ana zuelela mu Biblia akhalele gudivua. Ngenyi ana guzola ndaga gifua luholo jiasonegewe.

Gubonga gutshi athu ako ana heta tangua ana tegelela enregistrement a lutango lua Biblia? Athu avula ana tegelela enregistrement a lutango lua Biblia ana suanguluga handaga yana guakuatesa ha gukotelesa muabonga ndaga adi mutanga. Tangua ana tegelela majui a gudisha a athu adi muzuelela mu Biblia, ana gudivua gifua adi mumona athu ene. Ngenyi ana kotelesa muabonga ndaga jidi jia gusonega. (Ish 4:5) Athu avula nji ana zuela egi, gutegelela enregistrement a lutango lua Biblia guana guakuatesa ha gudivua muabonga gula adi muvua gikenene.​—Ngi 94:19.

Gutegelela Mbimbi ya Nzambi tangua idi mutangewa mu dijui diakola guajiya diago gutukuatesa muavula. (2Gudi 34:19-21) Gula enregistrement a lutango lua Biblia adi a mudidi nga a gitshinyi mu zuelelo wana kotelesa muabonga, wajiya guategelela lusugu nu lusugu?

TALENU VIDEO PRODUCTION DE LA BIBLE EN AUDIO (EXTRAIT), GUNGIMA HANENU MVUTU GU MUHU OWU:

Ndaga itshi ya gudihula wamona mu luholo ana tshita enregistrement a lutango lua Biblia?