Wajiya Gukuatesa Fami Yaye ha Gukhala nu Gusuanguluga

Yehowa wana tshigina egi fami jikhale nu gusuanguluga. (Ngi 127:3-5; Mulo 9:9; 11:9) Uvi tuajiya gutotesa gusuanguluga guetu mukunda nu ndaga jidi mukalegewa ha mavu awa nga ndaga jiabola jidi mukalagala enya fami yetu. Itshi muthu wagasue wajiya gutshita ha gula fami ikhale nu gusuanguluga?

Yala udi naye gunemesa mukaji’enji. (1Pt 3:7) Udi naye gubalegesa n’enji tangua hamoshi. Gashigo naye gutoga mukaji’enji ha gukalagala ndaga jinyi gajiyilego gutshita, uvi udi naye gumuhana mersi mukunda nu ndaga jiagasue ana kalagala mukunda nu muene nu fami yenji. (Kol 3:15) Mbimbi jienji jidi naye gumonesa egi wana gumuzumba. Udi naye nji gumushimana.​—Ish 31:28, 31.

Mukhetu udi naye gukamba luholo lua gukuatesa mulumi’enji. (Ish 31:12) Wana hana mulumi’enji matangi nu ana zula ba desizio hamoshi. (Kol 3:18) Udi naye gumuwambela ndaga nu gisemo giagasue nu guzuela ndaga jiabonga mukunda nu muene.​—Ish 31:26.

Mvuaji jidi naye gubalegesa tangua nu an’awo. (Mikh 6:6, 7) Adi naye guawambela egi ana guazumba muavula. (Mat 3:17) Adi naye guamonesela guzumba nu gutadila ndaga mu luholo luabonga, tangua adi guahana ndola.​—Ef 6:4.

Ana adi naye gunemesa nu gutumagela mvuaji jiawo. (Ish 23:22) Adi naye guwambela mvuaji jiawo ndaga adi mutangiza nu luholo adi gudivua. Adi naye gutshigina ndola idi guahana mvuaji jiawo nu adi naye guanemesa.​—Ish 19:20.

TALENU VIDEO KUDISENU KHADILO DIA GUSUANGULUGA MU FAMI YENU, GUNGIMA HANENU MVUTU GU MUHU WUWU:

Ndaga itshi muthu wagasue wajiya gutshita ha gula fami ikhale mu gusuanguluga?