MAKALEGELO A UKLISTO
Mvuaji—Kuatesenu An’enu ha Guheta Ndunge jia Nzambi
Ndaga yabalega ndando mvuaji jiajiya gutshita ha gukuatesa an’awo ha guheta ndunge jia Nzambi, idi guakuatesa ha gulonguga ndaga jiavula mu gudibungisa gua mu hungu. Ndaga ana ana mona nu guvua mu gudibungisa gua mu hungu nu bakomantere ana hana jiajiya guakuatesa ha gujiya Yehowa nu ha gubua mafut’enji. (Mikh 31:12, 13) Gula udi mvuaji, luholo lutshi wajiya gukuatesa mun’aye ha gulonguga ndaga jiavula mu gudibungisa?
Khala mutshita ngolo ha guya mu gudibungisa mu Inzo ya Ufumu.—Ngi 22:22
Khala mubalegesa tangua nu aphangi gutuama nu gungima dia gudibungisa.—Heb 10:25
Khala mutshita yagasue hagula muthu wagasue wa mu fami yaye akhale nu mikanda tuana longuga mu gudibungisa ikhale ya papie nga mu telefone
Khala mukuatesa mun’aye ha gulondega nu guhana komantere mu mbimbi jienji hakhenji.—Mat 21:15, 16
Khala muzuela ndaga jiabonga mukunda nu gudibungisa nu ndaga tuana longuga guene
Khala mukuatesa an’aye ha gudihana mu midimo ya mu hungu, gifua guwevua Inzo ya Ufumu nu guta maga nu aphangi a gukola
Gukuatesa an’aye ha gukuata ufuta wakola nu Yehowa guana toga ndaga jiavula, matangua ako guajiya guguzula tangua diavula. Uvi wajiya gusha mutshima egi Yehowa mbawugukuatesa.—Yesh 40:29.
TALENU VIDEO PARENTS, APPUYEZ-VOUS SUR JÉHOVAH ET SUR SA FORCE, GUNGIMA HANENU MVUTU GU MIHU EYI:
Luholo lutshi Zack nu Leah akhalele gudivua luholo akhalele mutshita mudimo wakola?
Mukunda natshi mvuaji jidi naye gukamba ukuateshi wa Yehowa?
Ndaga jitshi Zack nu Leah akalegele ha gumonesa egi akhalele mushila Yehowa mutshima ha guakuatesa?