Ndaga Jiko Wajiya Gulonguga

Ikadigilo ha Gulongesa Ana

Mvuaji jidi nu ginemo giakoma gia gulongesa an’awo ndaga jiatadila Yehowa. (Ef. 6:4) Ulondegi wa Yehowa wana zola ikadigilo ha gukuatesa mvuaji ha gutagenesa ginemo giene. Luholo lutshi wajiya gukalegela ikadigilo yene ha gulongesa an’aye?

• Ha guyiheta, ngina mu situ yetu JW.ORG. Site yene idi nu ndaga jiavula jialondewe mukunda nu ana nu mavuala; idi nji nu bavideo nu mikanda.a Ha guyiheta, ngina ha fundo diasonegewa egi “Ana” nga “Mavuala.”

• Tomba ndaga udi najio funu. Ndaga jidi ha fundo diasonegewa egi “Ana” jiajiya gugukuatesa ha gutomba ndaga udi najio diago funu mukunda nu an’aye. Ha gujiheta, nda ha fundo diasonegewa egi “Pour le culte familial.”

• Zula tangua dia guzuelela ndaga jiene nu an’aye. Ushigo naye guhana an’aye video jietu nga ikadigilo yetu phamba mukunda nu gukena nga gubalegesa tangua. Uvi zula tangua dia guyizuelela nu an’aye ha guakuatesa ha gukolesa ufuta wawo nu Yehowa.