Khala Mulonguga Muabonga ha Gumonesa Gutema

Tanga Danyele 9:1-19 ha gujiya mukunda natshi idi nu ndando ha gulonguga muabonga.

Tanga ndaga jidi gu thunda nu gu mbongo ya verse yene. Ndaga jitshi jiabuile mu masugu a Danyele? Danyele wadivile luholo lutshi mukunda nu ndaga jiene? (Dan. 5:29–6:5) Luholo lutshi wakhalele naye gudivua gula nga wakhalele ha fundo dia Danyele?

Ndaga jiko jia ndando. Yajiya gukhala egi ‘mikanda itshi yagijila’ Danyele wakhalele mutanga? (Dan. 9:2, note; w11-F 1/1 diyiji 22 par. 2) Mukunda natshi Danyele wazuelele gubola guenji nu gubola gua gifutshi gia enya Isalele? (Levi 26:39-42; 1 Maf. 8:46-50; dp-F 182-184) Luholo lutshi gisambu gia Danyele gidi mumonesa egi wakhalele mulonguga muabonga Mbimbi ya Nzambi?​—Dan. 9:11-13.

Tangigiza ndaga walonguga. Dihule egi:

• ‘Itshi ngajiya gutshita hagula ndaga jia ha mavu awa jiwunganesago matangi ami?’ (Mika 7:7)

• ‘Gubonga gutshi ngajiya guheta gula ngudi mulonguga Mbimbi ya Nzambi muabonga gifua muatshitshile Danyele?’ (w04-F 1/8 diyiji 12 par. 17)

• ‘Ndaga jitshi ngajiya gulonguga jiajiya gungukuatesa ha gumonesa ‘gutema’?’ (Mat. 24:42, 44; w12-F 15/8 diyiji 5 par. 7-8)