Athu ana Zumba Nzambi ana Tagenesa Ndaga Ana Gudiloga

Tanga Manzuji 11:30-40 ha guzula malongo mu lumene lua Yefeta nu mun’enji wa mukhetu mukunda nu ndaga yatadila gutagenesa ndaga tuadilogele.

Tadila ndaga jidi gu thunda nu gu mbongo ya verse. Luholo lutshi enya Isalele anyi akhalele mukalegela Yehowa nu mutshima umoshi akhalele mutadila ndaga akhalele gudiloga gudi Yehowa? (Lutang. 30:2) Luholo lutshi Yefeta nu mun’enji amonesele egi akhalele nu gutshigina gudi Yehowa?​—Manz. 11:9-11, 19-24, 36.

Kamba gujiya ndaga jiko. Ndaga itshi Yefeta wakhalele mutangiza tangua diadilogele muene? (w16.04-F diyiji 7 par. 12) Ndaga itshi Yefeta nu mun’enji akalegele ha gutagenesa ndaga Yefeta wadilogele? (w16.04-F diyiji 7-8 par. 14-16) Mu ndaga jitshi Aklisto ana gudiloga mangino?​—w17.04-F diyiji 5-8 par. 10-19.

Tangiza luholo wajiya gukalegela ndaga udi mulonguga. Dihule egi:

• ‘Itshi yajiya gungukuatesa ha gulandula gutagenesa ndaga ngalayele Yehowa ha gumukombelela mayilago?’ (w20.03 diyiji 13 par. 20)

• ‘Ndaga jitshi ngajiya gutshita ha gulandula gukombelela Yehowa nu mutshima umoshi?’

• ‘Itshi yajiya gungukuatesa ha gulandula gutagenesa ndaga ngadilogele gutuama dia mulumi’ami nga mukaji’ami mu lusugu lua ulo wetu?’ (Mat. 19:5, 6; Ef. 5:28-33)