Londega Mutshima Waye

Tangua tuana longuga Biblia, tuana tshigina egi ndaga tudi mulonguga jiatadila Yehowa jikuate mutshima wetu. Ezela wabembele gifezegeselo giabonga luholo lua londegele muene ‘mutshima wenji ha gulonguga Mukhuala wa Yehowa.’ (Ez. 7:10) Luholo lutshi tuajiya gulondega mutshima wetu?

Khala mutshita gisambu. Tshita gisambu gutuama dia gusendesa gulonguga. Toga Yehowa agukuatese ha gukotelesa ndaga udi mulonguga nu gujikalegela.​—Ngi. 119:18, 34.

Khala nu khadilo dia gudibulumuisa. Nzambi wana suega giamatshidia gienji gudi enya lulendo anyi ana gusha mutshima mu ndunge jiawo hakhawo. (Luka 10:21) Ukhadigo mutshita ba recherche ha gumonesa gudi athu ako egi wajiya muavula. Tangua udi mulonguga, gula wamona egi gudi nu ndaga imoshi udi naye gusombegesa, sombegesa nu gudibulumuisa guagasue.

Khala mutegelela ngimbo jietu jia Ufumu. Ngimbo jietu jiana khala nu ngolo jia gukuata mutshima, jiana gutukuatesa nji ha gudilondega ha gukombelela. Hene gula udi mutegelela ngimbo jietu jia Ufumu gutuama dia gusendesa gulonguga, mbayigukuatesa ha gulondega mutshima waye.