Kalegela Mikanda Yetu Muabonga

Yesu wazuelele egi: “Muahetele gu khenda, muhane gu khenda.” (Mat 10:8) Tuana gukalegela longo diene luholo tuanago gusumbisa Biblia nga mikanda yetu. (2Kol 2:17) Uvi, mikanda yene yakhala nu malongo a ndando atadila giamatshidia gidi mu Mbimbi ya Nzambi. Tuana gukalagala midimo yakola nu guzola makuta avula ha gula mikanda yene ifundjiwe, itumiwe mu mahungu a mu ifutshi yagasue. Hene, tudi naye guzula phamba mikanda yitudi nayo funu.

Khala nu gutema tangua udi muhana mikanda gudi athu, nga tangua udi mulongesa nu présentoire. (Mat 7:6) Ha fundo dia gulaba guhana mikanda gudi athu adi mubalega, kalagala yagasue ha guzuela n’awo ha gujiya gila asuanguluga nga ndo. Wajiya gutaya egi ee (ai) gu muhu nga umoshi mukatshi dia mihu idi mu galuanda? Gula idi lamba ha gukotelesa egi muthu muene wasuanguluga nga ndo, wajiya gaye gumuhana trakte. Gula muthu muene watutoga zulunalu nga mukanda uko, tuajiya gumuhana n’awo.​—Ish 3:27, 28.