Luholo lua Gukalegela Mukanda Itshi Biblia Yajiya Gutulongesa?

Mukanda Itshi Biblia Yajiya Gutulongesa? udi luholo lumoshi nu mukanda Qu’enseigne réellement la Bible? Mikanda eyi yagasue mbadi idi mukatshi dia mikanda tuana gukalegela ha gulongesa mbimbi ya Nzambi; idi nu giamatshidia gia luholo lumoshi enji idi gugimonesa mu luholo lumoshi. Uvi, mukanda Itshi Biblia Yajiya Gutulongesa? wasonegewe mu luholo lualeba. Wasonegewe mukunda nu athu adi nu lamba dia gukotelesa mukanda Qu’enseigne réellement la Bible? Ha fundo dia appendice mu Qu’enseigne la Bible, mukanda Itshi Biblia Yajiya Gutulongesa? udi nu gitshinyi gidi nu muto wa lumene egi malongo a gisugishilo, giana gukotelesa mu luholo lualeba mbimbi nu ndaga jiko jidi mu mukhapho. Mikhapho ya mukanda owu ishigo nu mihu ya gisendeselo nga galuanda ga guvutugila ndaga jiazuelewa. Gusuga ya mukhapho wagasue, adi muzuelela mu mbimbi jiazonda giamatshidia giazuelewa mu mukhapho wene. Luholo lumoshi nu Qu’enseigne la Bible?, tuajiya guhana mukanda Itshi Biblia Yajiya Gutulongesa? tangua diagasue, nga ishigo wene tudi mukhaphela athu mu mbeji yene. Luholo lutshi tuajiya gukalegela ndaga jiagudisha jidi mu mukanda owu tangua tudi mulonguga Biblia nu muthu?

MU MBIMBI JIAZONDA: Athu avula ana gusuanguluga nu luholo tuana longuga Biblia nu athu, gutanga paragrafe enji gungima, guahula mihu. Uvi, gula muthu udi mulonguga nenji Biblia gashigo mujiya muabonga zuelelo nga gashigo mutanga muabonga, wajiya gukalegela mukanda Itshi Biblia Yajiya Gutulongesa? Wajiya nji gukalegela mbimbi jiazonda jidi gusuga ya mukhapho ha gulonguga nenji, gungima wajiya gumukolesa ha gutanga mukhapho hakhenji. Wajiya gulongesa giamatshidia gia Biblia gidi mu mukhapho wene mu minuta 15. Handaga gitshinyi mu mbimbi jiazonda gianago guzuelela ndaga jiagasue jidi mu katshi dia baparafe, mulongeshi udi naye gudilonda muabonga, udi naye nji gujiya ukuateshi muthu ana gulonguga nenji adi nawo funu. Gula mulongeshi udi mukalegela ndaga jidi mu mukhapho tangua adi mulonguga nu muthu, wajiya gukalegela gitshinyi mbimbi jiazonda gifua luholo lua guvutugila ndaga alonguga.

MALONGO A GISUGISHILO: Mbimbi nu ndaga jidi muzuelewa mu gitshinyi egi jiasonegewa mu luholo jidi mumonega mu mikhapho. Tangua adi mulonguga nu muthu, mulongeshi wajiya gutomba gukalegela nga ndo gitshinyi malongo a gisugishilo, gia mukanda Itshi Biblia Yajiya Gutulongesa?