Ndaga Itshi Ngana Guzula nu Ndando Yavula?

Yakobo waluile nu muanjelo ha guheta gima gimoshi gia ndando: gishimbigo gia Yehowa. (Gis 32:24-31; Hosh 12:3, 4) Esue giwa? Tuana tshita ngolo ha gutumagela Yehowa nu mutshima umoshi nu ha guheta gishimbigo gienji ba? Gula fumi’etu wa mudimo watutoga ha gukalagala mudimo mu tangua tudi naye guya mu gudibungisa gua mu hungu, itshi tudi naye gutomba gutshita? Gula tuahana Yehowa ima yetu ya ndando gifua tangua, ngolo, nu umonyi wetu, muene mbawutubunduila ‘gishimbigo nu mbatudifudigo nga gima.’ (Mal 3:10) Muene mbawututuameza, mbawutubamba nu mbawutahana ima tudi nayo funu.—Mat 6:33; Heb 13:5.

TALENU VIDEO IDI MUZUELA EGI UBUITSHIGO MAFELELA AYE A MU NYUMA MUTSHIMA. GUNGIMA, HANENU MVUTU GU MIHU EYI:

• 

  Luholo lutshi ndaga yakhalele muzumba phangi’etu wa mukhetu yalolele gutshigina guenji?

• 

  Luholo lutshi mudimo wetu wajiya gutubuila muheto?

• 

  Mukunda natshi Timote adihagele mafelela a mu nyuma ikhale muene wakhalele muthu wagukula mu nyuma?—1Tim 4:16

• 

  Luholo lutshi tuana monesa “mudimo udi nu ndando yavula” gu meso etu?