Aye Nji Wajiya Gulongesa Athu Lukuma Luabonga!

Moize wakhalele gudimona egi gashigo watagana ha gutagenesa ginemo giamuhanele Yehowa. (Guz 4:10, 13) Aye nji wadivile gale ngenyi ba? Wana longuga Biblia nu Matemue a Yehowa ba? Wana gudihula gula wajiya lume gukhala watagana ha gulongesa lukuma luabonga inzo nu inzo ba? Yajiya gukhala egi udi muvuala nu udi muvua woma ha gulongesa lukuma luabonga gu khalasa. Luko, yajiya gukhala egi wana guvua woma ha gulongesa mu njila ya telefone nga mu mafundo a athu avula. Gula idi ngenyi, toga Yehowa aguhane nyuma yenji hagula igukuatese. (1 Phet 4:11) Sha mutshima egi Yehowa mbawugukuatesa ha gutagenesa ginemo giagasue giaguhanele muene.—Guz 4:11, 12.

TALENU VIDEO KHALA NU GIKHESA TANGUA . . . UDI MULONGESA. GUNGIMA, HANENU MVUTU GU MIHU EYI:

• Lamba ditshi diatagenele nadio phangi wa mukhetu Aoyama?

• Itshi yamukuatesele ha guheta ngolo nu gikhesa?—Yel 20:7-9

• Gubonga gutshi ahetele luholo gadihanele muavula mu mudimo wa Yehowa?

• Malamba atshi wana gutagana nawo mu mudimo wa gulongesa Yehowa wajiya gugukuatesa ha gubinga?