Wana Tshigina Gungina mu Khalasa dia Alongeshi a Ufumu Ba?

Udi nu ivo sendese 23 uu 65 ba? Wana tshita mudimo wa tangua diagasue ba? Wana khala nu santé yabonga ba? Udi hehi ha guya muhana ukuateshi fundo didi nu funu ya alongeshi ba? Gula mvutu yaye gu mihu eyi idi egi ayi, wana tshigina gungina mu Khalasa dia Alongeshi a Ufumu ba? Sendese khalasa edi dia sendesele, aphangi avula adizudile gale mu ulo nu aphangi avula a mala nu akhetu adi undumbu anginyine gale khalasa diene. Uvi, tudi nu funu yavula ya aphangi a mala anyi adi undumbu ha gungina mu khalasa diene. Toga Yehowa ukhuateshi ha gukudisa nzala ya gumusuanguluisa nu ha gulandula gifezegeselo gia Munenji. (Ngi 40:8; Mat 20:28; Heb 10:7) Gungima, kamba gulondega ndaga jiatadila midimo yaye nga gufuta mikudi udi naye ha gukhala hehi mukunda nu mudimo wene.

Mudimo utshi nu mafundo atshi aphangi ana heta formasio eyi ya teokrasi ana tumiwa? Aphangi ako ana tumiwa ha guya mulongesa mu membo akoma mafundo athu ana zuela mazuelelo avula. Ako ana gubua atadi awendji akhuateshi, ako atadi awendji, ako ba misionere. Gula watshigina gutshita mudimo wa Yehowa wa tangua diagasue, wajiya guzuela gifua profete Yeshaya egi: ‘Ame owu! Ngutume!’—Yesh 6:8.

TALENU VIDEO BA MISIONERE—AMUNYI A MBUTO. GUNGIMA, HANENU MVUTU GU MIHU EYI:

• 

  Luholo lutshi ana tomba ba misionere?

• 

  Mudimo utshi wabonga ba misionere ana tshita?

• 

  Gubonga gutshi ba misionere ana heta mu mudimo wawo?