LONGO DIA 45
Gutuna Gudinginyisa mu Ndaga jia ha Mavu awa Guakotelesa Itshi?
Yesu wazuelele egi, alandudi enji ashigo naye gukhala “athu a ha mavu awa.” (Yone 15:19) Yakotelesa egi ashigo naye gudinginyisa mu ndaga jia politike nu jia ita. Mu guzuela guabonga, ishigo ndaga yaleba ha gutuna gudinginyisa mu ndaga jia ha mavu awa. Athu ajiya gutusegulula handaga tudi mutuna gudinginyisa mu ndaga jia politike. Luholo lutshi tuajiya gutuna gudinginyisa mu ndaga jia ha mavu nu gusala ya gujinginyina gudi Yehowa Nzambi?
1. Luholo lutshi Aklisto a giamatshidia ana tadila baguvernema a athu?
Aklisto ana nemesa baguvernema. Tuana tshita gifua muazuelele Yesu egi: “Hanenu ima ya Sezale gudi Sezale”—yakotelesa egi, tuana tumagela mikhuala ya mu gifutshi, gifua gufuta gitadi. (Mako 12:17) Biblia yana zuela egi, baguvernema a athu ana tuameza handaga Yehowa wana guahana njila ya gutuameza. (Roma 13:1) Tuana jiya egi baguvernema a athu ashigo nu ufumu wavula gifua Nzambi. Tuana sha mutshima egi Nzambi mbawumanesela malamba agasue mu njila ya Ufumu wenji wa mu dilu.
2. Luholo lutshi tuajiya gumonesa egi tushigo mudinginyisa mu ndaga jia ha mavu awa?
Tuana gudinginyisa ndo mu ndaga jia politike, gifua Yesu. Tangua athu amonele ndaga jia gushimana jiakalegele Yesu, akambele gumubuisa fumu yawo, uvi muene watunyile genji. (Yone 6:15) Mukunda natshi? Handaga, yakhalele gifua luholo luazuelele muene gungima egi: “Ufumu wami ushigo wa ha mavu awa.” (Yone 18:36) Luholo tudi alandudi a Yesu, tuana monesa mu maluholo avula egi tushigo gudinginyisa mu ndaga jia ha mavu awa. Ha gufezegesa, tuana lua ndo ita. (Tanga Mika 4:3.) Tuana nemesa ima ya mu gifutshi gifua drapo, uvi tuana guyikombelela ndo. (1 Yone 5:21) Tuana khala ndo gu khanda ya parti politike imoshi nga gu khanda ya kandida mumoshi. Mu ndaga eji nu mu ndaga jiko, tuana monesa diago egi tudi ya gujinginyina mu guvernema ya Nzambi nu Ufumu wenji.
TUKAMBE GUJIYA NDAGA JIAVULA
Tutadile ndaga jinyi jiajiya gutshita egi ikhale lamba mukunda nu aye ha gutuna gudinginyisa mu ndaga jia ha mavu awa; tutadile nji luholo wajiya guzula badesizio anyi ajiya gusuanguluisa Yehowa.
3. Aklisto a giamatshidia ana gudinginyisa ndo mu ndaga jia ha mavu awa
Yesu nu alandudi enji atubembele gifezegeselo kiawaha. Tanga Roma 13:1, 5-7 nu 1 Phetelo 2:13, 14. Gungima, tala VIDEO gungima dienji, zuelelenu mihu eyi yalandula.
Mukunda natshi tudi naye gunemesa mafumu a leta?
Mu maluholo atshi tuana monesa egi tudi guatumagela?
Mu tangua dia ita, ifutshi iko yana monesa egi ishigo gudinginyisa mu ndaga jiene, uvi yana hana mago ha gukuatesa ifutshi idi mu ita. Gutuna gudinginyisa mu ndaga jia ha mavu awa gudi diago mukotelesa itshi? Tanga Yone 17:16. Gungima, tala VIDEO gungima dienji, zuelelenu muhu owu walandula.
Gutuna gudinginyisa mu ndaga jia ha mavu awa gudi mukotelesa itshi?
Itshi tudi naye gutshita gula mafumu a leta atutoga ha gutshita ndaga inyi idi mushiya mukhuala wa Nzambi? Tanga Makalegelo 5:28, 29. Gungima, tala VIDEO gungima dienji, zuelelenu mihu eyi yalandula.
Gula mikhuala ya athu ishigo gudivua nu mikhuala ya Nzambi, mikhuala itshi tudi naye gutumagela?
Wajiya gujiya ndaga jinyi Aklisto ashigo naye gutumagela mafumu a leta ba?
4. Udinginyisago mu ndaga jia ha mavu awa mu matangi nu mu makalegelo
Tanga 1 Yone 5:21. Gungima, tala VIDEO gungima dienji zuelelenu mihu eyi yalandula.
Mu video eyi tuatala, mukunda natshi Ayenge watunyile gudinginyisa mu ndaga jia politike jia gifutshi giawo, nga gutumbuisa drapo?
Udi mutangiza egi wazudile desizio diabonga ba?
Ndaga tshi jiko jiajiya gutshita egi ikhale lamba ha gutuna gudinginyisa mu ndaga jia ha mavu? Tala VIDEO, gungima zuelelenu mihu eyi yalandula.
Luholo lutshi tuajiya gutuna gudinginyisa mu ndaga jia ha mavu awa tangua tudi mutala saga (sport) jinyi ifutshi yana gudibungisa ha gutshita?
Luholo lutshi tuajiya gutuna gudinginyisa mu ndaga jia ha mavu ikhale tuajiya guheta gubonga nga malamba mu badesizio a enya politike?
Luholo lutshi ndaga tudi muvua mu Internet (réseaux sociaux) nu gu TV nga gudi athu tuana jinga nawo jiajiya gututuma ha gudinginyisa nga gutuna gudinginyisa mu ndaga jia ha mavu awa?
Mu ndaga jitshi Muklisto udi naye gutuna gudinginyisa mu ndaga jia ha mavu awa ikhale mu matangi nu mu makalegelo?
ATHU AKO AJIYA GUHULA EGI: “Mukunda natshi wana tuna gutumbuisa drapo nga guyimba lungimbo lua gifutshi?”
Mvutu itshi wajiya guahana?
NDAGA WALONGUGA
Aklisto ana tshita ngolo ha gutuna gudinginyisa mu ndaga jia ha mavu awa, ikhale mu matangi nga mu makalegelo.
Mihu ya Guvutugila
Khadilo ditshi tudi naye gumonesa gudi baguvernema a athu?
Mukunda natshi tuana tuna gudinginyisa mu ndaga jia politike?
Ndaga jitshi jiajiya gutshita egi ikhale lamba ha gutuna gudinginyisa mu ndaga jia politike?
NDAGA JIKO JIA NDANDO
Ndaga jitshi tuajiya gutshita ha gutuna gudinginyisa mu ndaga jia politike?
Itshi enya fami ajiya gutshita ha gudilondega gutuama hagula adinginyisago mu ndaga jia politike gula alolewa?
Tala lumene lua muthu mumoshi wakhalele mutangiza egi gutumbuisa gifutshi gienji gudi nu ndando yavula gubalega
Tala luholo wajiya gutuna gudinginyisa mu ndaga jia ha mavu tangua udi naye gutomba mudimo wa gukalagala.
“Chacun portera sa propre charge” (Inzo Yaleha ya Mutaledi ya 15 Mars 2006 ya français)