Udi Mujiya Luko Ba?

Watangele muabonga malongo a Inzo Yaleha ya Mutaledi a givo egi ba? Idi ndaga yabonga gula wahana mvutu gu mihu eyi yalandula:

Mbimbi “sombegesenu makalegelo enu” jidi mukotelesa itshi? (Roma 12:2)

Gusombegesa matangi gushigo phamba mukotelesa gutshita ndaga jiabonga. Uvi guana mumonesa nji, egi tudi naye gukamba gujiya ndaga jiana khala mu mutshima wetu nu gutshita ngolo ha gusombegesa hagula tuajiya gutumagela mikhuala ya Yehowa.​—w23.01, diyiji 8-9.

Luholo lutshi wajiya gumonesa gutema tangua udi mumona ndaga jidi mukalegewa ha mavu awa?

Tuana mona luholo ndaga jidi mukalegewa ha mavu awa jidi mutagenesa profesi jia Biblia. Uvi tangua tudi muzuelela profesi jia Biblia, tushigo naye gutangiza luholo ndaga mbajikalegewa gungima. Handaga tushigo mutshigina guzuela ndaga imoshi yajiya gutukaphumuna nu aphangi mu hungu, tudi naye gukamba ndaga ulondegi wa Yehowa wakatuga guzuela mukunda nu profesi yene. (1 Kol. 1:10)​—w23.02, diyiji 16.

Gudisha gudi mukatshi dia gubatijiwa gua Yesu nu gua alandudi enji

Yesu gakhalelego nu funu ya gudihana gudi Yehowa, handaga wavualewe mu gifutshi ginyi giadihanele gale gudi Nzambi. Yesu gakhalelego nu funu ya gubalumuna mutshima nga gutoga Nzambi ha gukhala nu mutshima waphelegeta, handaga wakhalele muthu watagana, gakhalelego nga nu gubola gumoshi.​—w23.03, diyiji 5.

Luholo lutshi tuajiya gukuatesa athu ako ha guhana bakomantere mu gudibungisa?

Tudi naye guhana komantere jiahihia, ha gubembela athu ako tangua dia guzuela. Uzuelelago ndaga jiavula mu mbala imoshi. Gula wazuelela ndaga jiagasue jidi mu paragrafe, athu ako mbaashigo mumona ndaga iko ya guzuela.​—w23.04, diyiji 23.

“Njila ya gijila” idi muzuelewa mu Yeshaya 35:8 idi mukotelesa itshi?

Thomo njila yene yakoma ya gifuanesa yakhalele mumonesa njila enya Yuda awendele tangua akatugile gu Babilona ha guvutuga gumbo diawo. Uvi gungima njila yene yakhalele mukotelesa itshi? Ivo yavula gutuama dia givo 1919, athu akhalele muzumba Nzambi, atshitshile ngolo ha gulondega njila ya gifuanesa, yakotelesa egi gubalumuna Biblia nu mikanda iko nu guyizola. Akombeledi a Nzambi asendesele guwenda mu “Njila ya Gijila” ha guya mu phaladiso ya mu nyuma inyi yana guabatela gubonga gua gungina mu Ufumu wa Nzambi.​—w23.05, diyiji 15-19.

Mukanda wa Ishima mukhapho 9 udi gutuhana malongo ajiya gutukuatesa mukunda nu akhetu mbadi a gifuanesa

Mukanda wa Ishima udi muzuelela ‘mukhetu wa heya,’ emvitasio ya mukhetu muene idi gifua ‘njila idi mubata gu gufua.’ Uvi ‘ndunge jia giamatshidia’ jidi mumonesa mukhetu munu emvitasio yenji idi gifua muthu udi ‘muwenda mu njila ya ndunge’ nu ha guheta monyo. (Ish. 9:1, 6, 13, 18)​—w23.06, diyiji 22-24.

Luholo lutshi Yehowa wamonesele egi udi Nzambi wa gudibulumuisa nu gakhalago muenya ndaga jiakola-kola tangua atele maga nu Lota?

Yehowa wawambelele Lota mu njila ya anjelo enji ha gulenga gu khanda ya milundu. Lota wabubidile Yehowa hagula muene nu enya fami yenji aye gu gadimbo ga Soale, Yehowa watshiginyile.​—w23.07, diyiji 21.

Itshi wajiya gutshita gula mulumi’aye nga mukaji’aye wana tala pornografi?

Phangi wa mukhetu udi naye guwunguluga egi gula mulumi’enji wana khala nu khadilo dia gutala pornografi, ishigo gubola guenji. Phangi muene wa mukhetu udi naye gukolesa ufuta wenji nu Nzambi nu gutangigiza mene jia Biblia jiana zuelela malamba akhetu atagenele nawo, nu luholo ahetele gikhesa handaga ahagele mutshima gudi Yehowa. Wajiya gukuatesa mulumi’enji ha gulenga ndaga jiajiya gumutuma ha gutala pornografi.​—w23.08, diyiji 14-17.

Gula muthu udi musha giphapha mukunda nu gutshigina guetu, luholo lutshi gukhala nu ndunge guajiya gutukuatesa ha gumonesa khadilo dia gutuluga?

Idi nu ndando ha gutadila muhu wa muthu muene gifua udi mutshigina gujiya ndaga jiavula. Malongo awa ajiya gutukuatesa ha guhana mvutu nu gutuluga guagasue.​—w23.09, diyiji 17.

Luholo lutshi tuajiya gulandula gifezegeselo gia Madiya, gula tudi mutshigina guheta gikhesa?

Tangua diajiyile Madiya egi mbawubua gina Masiya, watogele ukuateshi gudi athu ako. Muanjelo Gabriele nu Elizabete amuhanele gikhesa mu ukuateshi wa Mbimbi ya Nzambi. Esue nji tuajiya guheta gikhesa gudi aphangi Aklisto.​—w23.10, diyiji 15.

Luholo lutshi Yehowa wajiya guhana mvutu gu isambu yetu?

Yehowa walayele egi mbawutegelela isambu yetu nu wana tala gula isambu yene yana gudivua nu felela dienji. (Yel. 29:12) Yehowa wajiya guhana mvutu jia gudisha mu isambu ya luholo lumoshi, uvi mbawulandula gutukuatesa.​—w23.11, diyiji 21-22.

Mukanda wa Roma 5:2 udi muzuelela “felela,” na mukunda natshi verse 4 idi mudizuelela luko felela diene?

Gula muthu wategelela lukuma luabonga, wajiya guheta felela dia gujinga mu phaladiso ha mavu. Uvi luholo ludi muene mutagana nu malamba, udi mukolesela mu malamba ene, Nzambi wana gumutshigina, ngenyi wajiya gukolesa felela dienji nu gumona diago egi didi dia giamatshidia.​—w23.12, diyiji 12-13.