Tomba Fundo Diabonga ha Gulonguga

Wana tshigina gujiya ndaga jiavula mu gulonguga guaye hakhaye ba? Ndaga eji jialandula jiajiya gugukuatesa ha gutuna guwunganesa matangi tangua udi mulonguga:

• Tomba fundo diabonga. Tomba fundo diaphelegeta didi mumonega muabonga nga didi nu muinda dinyi diajiya gugukuatesa ha gutanga muabonga. Wajiya gukalegela mesa nga nguasa nga ndo wajiya gutomba fundo diabonga hanze.

• Tomba fundo wajiya gukhala hakhaye. Yesu wakhalele mutshita gisambu mu ‘gimenegena ha fundo diakhalele muene hakhenji.’ (Mako 1:35) Gula ushigo nu luholo luagukhala hakhaye, wajiya guwambela enya fami yaye nga athu wana jinga nawo programe yaye ya gulonguga hagula aguwunganesago matangi tangua udi mulonguga.

• Landula gusha matangi mu ndaga udi mutanga. Uwunganesago matangi aye. Gula udi mukalegela tablete nga telefone ha gulonguga, wajiya gu imba mu mode silencieux nga mode avion ha gutuna guwunganesa matangi. Tangua udi mulonguga gula watangiza ndaga imoshi udi naye gutshita, isonege gu papie ha gutuna gubuita mutshima, ngenyi wajiya gulandula gulonguga. Gula matangi aye asendesa guwungagana wajiya gudiwendesa hazonda nga guhululuga.