16 Pharaoh laekem Sarai so hem treatim gud Abram, and hem givim lo Abram olketa sheepsheep, buluka, man and mere donkey, olketa man and woman servant, and olketa camel.+

12 Isaac start for plantim kaikai lo datfala land, and wanem hem harvestim lo datfala year hem 100 taems winim wanem hem plantim bikos Jehovah blessim hem.+

14 Hem onam staka sheepsheep, staka buluka, and hem garem staka servant,+ and olketa Philistine start for jealous lo hem.

17 Then Jacob redyim evriting, putim olketa pikinini and olketa waef blo hem antap olketa camel,+ 18 and hem start for leadim evri animal blo hem and tekem evriting wea hem kasem+ taem hem stap lo Paddan-aram, and hem go lo dadi blo hem Isaac lo land lo Canaan.+

33 Pharaoh bae laek lukim iufala and bae hem sei lo iufala, ‘Wat nao waka blo iufala?’ 34 Iufala mas sei, ‘Mifala olketa servant blo iu lukaftarem olketa animal start lo taem mifala young kam kasem distaem, olsem olketa grandadi blo mifala bifor.’+ Then Pharaoh bae letem iufala for stap lo land lo Goshen+ bikos olketa Egyptian ting daonem pipol wea lukaftarem olketa sheepsheep.”+