2 Mi bae mekem wanfala maeti nation kam from iu, and mi bae blessim iu, and mi bae mekem nem blo iu famous, and bikos lo iu, olketa narawan bae kasem blessing.+

15 Bihaen datwan, Jehovah story lo Abram insaed wanfala vision. Hem sei: “Iu no fraet,+ Abram. Mi bae protectim iu.*+ Reward blo iu bae barava big.”+

5 Hem leadim Abram go aotsaed and sei: “Plis, iu luk go ap lo skae and kaontem olketa star, sapos iu fit for duim datwan.” Then hem sei lo Abram: “Pikinini* blo iu bae staka olsem olketa star lo skae.”+

7 And olketa Israelite* gohed garem pikinini and start for staka, and bikos namba blo olketa increase kwiktaem tumas olketa kamap wanfala strong nation, and olketa fulap lo datfala ples.+

12 Dastawe, man wea olo finis and no fit for garem pikinini,+ hem garem staka pikinini+ olsem olketa star lo skae and barava staka tumas olsem olketa sandbis lo saedsea.+