16 Sarai, waef blo Abram no garem eni pikinini,+ bat hem garem wanfala servant from Egypt, wea nem blo hem Hagar.+ 2 So Sarai sei lo Abram: “Plis lisin lo mi! Jehovah no letem mi for garem eni pikinini. Plis iu sleep witim servant blo mi. Maet hem savve garem pikinini for mi.”+ So Abram lisin lo Sarai.

9 Taem Leah savve dat hem stop for bornem pikinini, hem tekem servant gele blo hem, Zilpah, and givim for kamap waef blo Jacob.+

18 Olketa hia nao olketa son blo Zilpah,+ servant gele wea Laban givim lo dota blo hem Leah. Hem bornem olketa hia for Jacob. Evri pikinini and granpikinini wea kam from Zilpah hem 16-fala.